اوکراین رسمیلرینینگ اعلام قیلیشیچه، روسیه آرقهلی بو مملکتنینگ بیر قطار بولیملریگه اویوشتیریلگن پهپاد و راکته هجوملری نتیجهسیده، کمیده ۱۵ کیشی اولیب و ۷۵ دن آرتیق کیشی یرهلنگن.
اوکراین جمهور باشلیغی ولودیمیر زلنسکینینگ بوگون (۲۷-جوزا، سهشنبه)، اکس صحیفهسیده یازیشیچه، روسیه بو مملکتنینگ نیچه شهرینی ۴۴۰ دن آرتیق پهپاد و ۳۲ راکته بیلن نشانگه آلگن.
بیزلرنینگ فیسبوک صحیفهمیزگه باش اورینگ!
اوکراین ایچکی ایشلر وزیری، حادثه محلیده خبرچیلرگه، پارتلشنینگ پرچهلری تیگگنی نتیجهسیده امریکا یشاوچیلریدن بیرینینگ اولگنینی بیان قیلگن. او، قربانیلر سانینینگ کوپهیشی احتمالیدن آگاهلنتیرگن.
کییف بلدیهسینینگ ایتیشیچه، اوکراین هوا مدافعهسی تامانیدن اوریلگن پهپادلرنینگ بولکلری توشگنیدن سونگ، بو شهرنینگ باشقه ایکی بولیمیده یانغین یوز بیرگن.
بیزلرنینگ «ایکس» ترماغی ده هم تعقیب قیلینگ!
۲۰۲۲-ییل فبروری آییده اوکراین و روسیه آرهسیده اوروشنینگ باشلنگنیدن بیری، ایکی تامان تینچ اهالینینگ نشانگه آلگنینی رد قیلگن؛ بیراق حاضرگچه بو اوروشده مینگلب تینچ اهالی اولیب و یرهلنگن.
اوروشنینگ یکونلنیشی اوچون خلقارا سعیوحرکتلر، حاضرگچه نتیجه بیرمهی و مسکو بیلن کییف آرهسیده اوتکزیلگن مذاکرهلر هم، گروگه آلینگنلرنینگ المشتیریشیلی بیلن چیکلنگن ایدی.
