پروان ده ایش و اجتماعی ایشلر وزیرلیگی، ینگیلیکده ۶۰۰ ییگیتگه کسب-کار اورگهتیش صنفلرینی تشکیل ایتگن. بوگون (۲۸-ثور، یکشنبه)، باشلنگن اوشبو برنامهده ییگیتلر نجارلیک، کمپیوتر و موبایل توزهتیش بولیملرینی اورگهنیشلری ممکن.
ایش و اجتماعی ایشلر وزیرلیگینینگ معلوماتی اساسیده، حاضر ایسه افغانستان بویلب ایکی مینگ کیشی، بو وزیرلیکنینگ کسب-کار اورگهتیش صنفلریده مسلک اورگهنیش بیلن شغللنگن.
بیزلرنینگ فیسبوک صحیفهمیزگه باش اورینگ!
باشقه بیر تاماندن، پروان ده کسب-کار اورگهنیش فرصتی یرهتیلگن مذکور ییگیتلردن قطاری، بو کبی برنامهلرنینگ کوپهیشی و قیزلرگه هم حصه بیریلیشینی ایستهگنلر.
پروان یشاوچیسی و کسب-کار اوگهتیش برنامهسی گه شرکت قیلگنلردن احمدنویدنینگ ایتیشیچه، مذکور ایش اورگهنیش برنامهسی یکونلنیشی بیلن، شرکت قیلگنلرگه ایش امکانیتلری یرهتیلیشیگه امیدوار دیر. «امید قیلهمیز که بو کبی برنامهلر کوپهیسین، چونکه پروان مرکزی و تومنلرده ییگیتلردن کوپ قطاری ایشسیز دیر.»
مذکور برنامه گه شرکت قیلگنلردن باشقه بیری توفیق، کسب-کار اورگهتیش برنامهلریگه قیزلر گه هم حصه بیریلیشینی ایستهگن. اونینگ کوپهیتیریشیچه: «اسلام امیرلیگیدن کسب-کار اورگهتیش برنامهلرینینگ کوپهیتیریلیشی و ییگیتلر یانیده، قیزلرگه هم حصه بیریلیشینی ایستهیمن.»
پروان ده ایش اورگتووچی برنامه مسئولی محمدیاسین فرجادنینگ ایتیشیچه، حاضر ایسه اوشبو ولایت بویلب ایکی مینگ کیشی مذکور برنامهلرده تعلیم کورماقده و عیاللرگه هم، ۵۰ فایز سهم نظرگه آلینگن.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «بیرینچی باسقیچده ۱۰۰ ته مربی، ایشلب چیقریش شرکتلر تامانیدن پوشش آستیده قرار تاپهدیلر و یقینده ینه هم ایش اورگنووچی ۵۰۰ کیشینینگ آلینیشی ممکن. بیر قطار برنامهلر آزیق-آوقت و لبنیات پروسس بولیشی، بوتدوزلیک، بیکدورلیک و پردهدوزلیکدن عبارت دیر. شونینگدیک برنامهلردن باشقه بیر قطاری، کسب-کارنی مدیریت قیلیش، تدبیرکارلیک، حسابدارلیک و ثباتلی ترقیاتدن عبارت دیر. شرکت قیلهدیگنلردن ۵۰ فایزی عیال و ۵۰ فایزی ایرکک دیر. بو برنامهلر افغانستان بویلب اوتکزیلیب و ۲ مینگ ایش اورگنووچی و ۳۰ تولید شرکتنی اوزیگه آلهدی.»
افغانستان ده ییگیتلردن کوپ قطاری ایشسیزلیک و مهارتسیزلیکدن اذیت چیکهدی. شوندهی بیر وضعیتده، کسب-کار اورگهتیش برنامهلری اوتکزیلیشی، ییگیتلر گه مهارت اورگهتیش یانیده، اولرگه ایش تاپیش و تدبیرکارلیک اوچون کیلهجکده یولنی آچیشی ممکن.
