بلخ مرکزی مزارشریف شهریده بوگون (۱-سنبله، شنبه)، ۶۰ ییگیتنینگ توپلم توی مراسمی اوتکزیلگن.
مذکور توپلم توی مراسمی، قریب بیر میلیون افغانی خرهجت کوتاریب، «احساس» جمغرمهسینینگ مالی حمایتی بیلن اوتکزیلگن.
بیزلرنینگ «ایکس» ترماغی ده هم تعقیب قیلینگ!
اوشبو جمغرمه مسئولی عبدالفتاح جواد، مذکور مراسمنینگ اقتصادی قیینچیلیکلر سبب توی قیلیشگه امکانیتی بولمهگن ییگیتلرنینگ قوللب-قوتلش مقصد اوتکزیلگنینی بیان قیلگن.
جناب جوادنینگ ایتیشیچه: «بو مراسم خیرلی کیشیلرنینگ مالی حمایتی بیلن اوتکزیلگن. اوشبو توپلم توی مراسمی قریب بیر میلیون افغانی خرهجت کوتاریب و هر بیر ییگیتگه بیر قطار اوی اوسکونهلری هم بیریلگن.»
شوندهی بیرحالده، توپلم توی مراسمیگه شرکت قیلگن ییگیتلردن قطاری، خورسندلیک قیلیب و ایتیشلریچه، اقتصادی قیینچیلیکلر سبب ییللردن بیری توی مراسملرینی اوتکزه آلمهگن ایکنلر.
بیزلرنینگ فیسبوک صحیفهمیزگه باش اورینگ!
بو تویگه شرکت قیلگن کییاولردن بیری الماس، باشقه ییگیتلردن کوپینچه صرف-خرهجت آلدی آلینیشی مقصد، تویلرینی توپلم شکلده اوتکزیشلرینی ایستهگن.
سونگی ییللرده، مملکتنینگ قطار ولایتلریده بیر قطار جمغرمهلرنینگ حمایتی بیلن توپلم توی مراسملری اوتکزیشی رواجلنگن.
