اسلام امیرلیگی مخابرات و تکنالوژی معلوماتی وزیرلیگی، بیرینچی مرته افغان بیسیم مخابراتی کمپنیهسی تامانیدن، ۵ جی خذمتلری کابل شهریده باشلنگنینی معلوم قیلدی.
اوشبو وزیرلیک سوزلاوچیسی عنایتالله الکوزی، بوگون (۹ثور/۲۹ اپریل، چهارشنبه) ایکس صحیفهسیده بیر بیانیه ترقهتیب یازیشیچه، کابل شهریده ۷۴ آنتن سیناو طریقهسیده ۵ جی گه ینگیلنگن.
بیانیه گه کوره، افغان بیسیم مخابراتی کمپنیه باشلیغی علیالله سروری، مخابرات و تکنالوژی معلوماتی وزیری حمدالله نعمانی بیلن اوچرهشووده، بوندهی قرار قبول قیلینگن.
مخابرات و تکنالوژی معلوماتی وزیرلیگی سوزلاوچیسی علیالله سروری گه اساسلنیب، آست قوریلمهلر امکانیتی یرهتیلیشی و سیناو باسقیچی یکونیدن سونگ، بو خذمتلر مملکت بوتون حدودلریده عملگه آشیریلیشینی ایتگن.
حاضرگی کونده افغانستاننینگ اوزاق حدودلری اهالیسی، عادی آنتن و اینترنت ایش بیرمسلیگی قیینچیلیگی بیلن دوچ ایکن، کابل شهریده ۵ جی خذمتلری سیناو طریقهسیده باشلنگن.
