خلقارا ییتکرمهلرنینگ گزارش بیریشیچه، دوشنبه کونی ایرتنگ چاغیدن حاضرگچه نوار غزه گه اسرائیل اردوسینینگ اویوشتیرگن هجوملریده، کمیده ۵۶ فلسطینلیک قربان بولگن.
الجزیره ترماغینینگ گزارش بیریشیچه، اسرائیل اردوسی ینه بیر مرته رفح منطقهسیده آزیق-آوقت یادرملرینی قولگه کیلتیریش مقصد ییغیلگن کیشیلرنی اوققه توتگن که نتیجهده، ۳۸ کیشی قربان بولیب و اونلب کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
بو اوققه توتیلیش، امریکا و اسرائیل حمایتی بیلن فعالیت قیلیشی ایتیلهدیگن غزه ده انسانسیورلیک جمغرمهسی (GHF)، آرقهلی قمرهب آلینگن حدودلرده یوز بیرگن. انسانحقوقی نهادلری و تنقیدچیلر، بو منطقهلرنی «انسان اولدیریش» میدانی عنوان قیلگن.
بو واقعه گه قرشی، بیرلشگن ملتلر تشکیلاتینینگ انسان حقلری عالی کمیسری ولکر ترک، غزه ده اسرائیلنینگ اوروش اصوللرینی قارهلب و ایتیشیچه: «اوشبو حربی اصوللر فلسطین اهالیسیگه دهشتلی و چیدهب بولمس عذاب نی یوکلهیدی.»
بیزلرنینگ فیسبوک صحیفهمیزگه باش اورینگ!
فلسطین ساغلیقنی سقلش رسمیلریگه کوره، غزه ده انسانسیورلیک جمغرمهنینگ یاردم بیریش عملیاتی باشلنگنیدن حاضرگچه، یاردملرنینگ ترقهتیلهدیگن مرکزلری اطرافیده ۳۰۰دن آرتیق کیشی قربان بولیب و ایکی مینگدن آرتیق کیشی یرهلنگن.
فلسطین ساغلیقنی سقلش وزیرلیگینینگ معلوماتی اساسیده، اسرائیل و حماس آرهسیده اوروش باشلنگنیدن بویان، توپلم شکلده قربانیلر سانی ۵۵ مینگدن آرتیق کیشیگه ییتیشگن.
