اسرائیل اردوسینینگ غزه شهری بویلب ییر و هوا هجوملری عاقبتیده چمهسی ۵۳ فلسطینلیک هلاک بولیب و باشقه اونلب کیشی یرهلنگن.
الجزیره، ۲۴-سنبله، دوشنبه کونی بامداد چاغی، اسرائیل اردوسی غزه شهرینی باسیب آلیش و یشاوچیلرینی آواره قیلیش اوچون هجوملرینی کوچهیتیرگنی حقیده خبر بیرگن.
اسرائیل عسکرلری اوتگن کون غزه شهریده ۱۶ بنا جملهدن اوچ یشش آسمان اوپر بنانی نشانگه آلیب بوتونلی یوق قیلدی. شفاکارلر گه کوره، فقط اوشبو شهرده چمهسی ۳۵ کیشی اسرائیلنینگ کیتمه-کیت هجوملریده هلاک بولگن.
بمباردمان دوام ایتهیاتگن بیرحالده، آچرچیلیک همان غزه اهالیسیدن قربانلیک آلماقده. فلسطین ساغلیقنی سقلش وزیرلیگی باشقه ایکی کیشی توییب آوقتلنمسلیک باعث وفات ایتگن و آچلیک طفیلی وفات ایتگنلر سانی اوروش باشلنگنیدن حاضرگه قدر ۴۲۲ کیشی گه یېتگنینی معلوم قیلگن.
فلسطین آوارهلری اوچون بیرلشگن ملتلر تشکیلاتینینگ یاردم کورسهتیش آژانس باشلیغی فیلیپ لازارینی، هجوملر کوچهیتیریلیشی بیلن ایکس صحیفهسیده بوندهی یازگن: «غزهده هېچ جای خوفسیز اېمس؛ هېچ کیم امن اېمس.»
فلسطین ساغلیقنی سقلش وزیرلیگینینگ ینگی معلوماتی اساسیده، اسرائیل و حماس اورتهسیده اوروش باشلنگنیدن بیری چمهسی ۶۴ مینگ ۸۷۱ فلسطینلیک هلاک بولیب و ۱۶۴ مینگ ۶۱۰ کیشی یرهلنگن.
