۳۵۰ کیشی آلتی آیلیک کسب-هنر بوییچه تعلیم کورسلرینی تماملهگنیدن سونگ، بوگون کابل دهگی کسب-هنر مرکزی تامانیدن اویوشتیریلگن تدبیرده بیتتیرو گواهینامهسینی آلیشدی.
اوشبو مرکز اورین باسری محمدصادق نبیزاده، بیتتیروچیلر تیکوچیلیک، موتر انجینی، موتر وایرینگی، نلدوانلیک، یانغین تیزیمی، ایرکاندیشن تعمیرلش، بنالرده سیمکشلیک، کمپیوتری مهارتلر، وب-دیزاین و موبایل تعمیرلش ۱۱ یونهلیشده تعلیم کورگنلرینی بیلدیرهدی.
او شوندهی دییدی: «سیزلر فقط بیتتیرو گواهینامهسینی آلمهسیز و ایشانچلی سند آلهسیز و سیزلر قیله آلهسیزلر بو تعلیم بیلن باشقهلر گه ایش اورینلرینی یرهتسنگیز.»
شو بیلن بیرگه، آلتی آیلیک کسب-هنر بوییچه تعلیم کورسینی بیتتیروچیلردن بیرقطاری، اسلام امیرلیگیدن مملکتده تخنیکی ایشلر اورینلرینی یرهتیشنی سورهیدیلر.
اوشبو کسب-هنر مرکزیدن نلدوانلیک بولیمیده تعلیم کورسینی بیتتیروچی رحمتالله شوندهی دییدی: «مین نلدوانلیک بولیمیدن فارغ بولدیم و آلتی آی درس اوقیدیم و اسلام امیرلیگی بیز اوچون ایش اورینلرینی یرهتیشنی ایستهیمیز و اونی یانیده کسب-هنر تعلیمینی رسمی شکلده تن آلسین.»
شو بیلن بیرگه، ایش و اجتماعی ایشلر وزیرلیگی مسئوللری، مملکتده ایش اورینلرینی یرهتیش مقصدیده ایریم ریجهلری بارلیگینی بیان قیلهدی.
ایش و اجتماعی ایشلر وزیرلیگی معینی محمدزاهد احمدزی گه کوره، ایران عملدارلری بیلن اوچرهشووده مملکتده کسب-هنر تعلیمی رواجی حقیده صحبت قیلگنلر. «ایران عملدارلری بیلن اوچرهشدیک و کسب-هنر رواجی حقیده صحبت قیلدیک و مملکتده بو بولیم رواجی اوچون سعی-حرکت قیلهیپمیز.»
ایش و اجتماعی ایشلر وزیرلیگینینگ معلوماتیگه کوره، حاضرگی کونده مملکت مقیاسیده ۱۸۰ دن آرتیق کسب-هنر ایشخانهسی فعالیت یوریتماقده.
