فلسطین ساغلیق‌نی سقلش رسمی‌لری، اسرائیل اردوسی‌نینگ غزه تورلی حدودلریده اویوشتیرگن هوا هجوملری عاقبتیده چمه‌سی ۳۴ کیشی قربان بولیب و باشقه اونلب کیشی یره‌لنگنینی معلوم قیلگنلر.
بو کیشیلر، ۲-حمل، شنبه کونی اسرائیل اردوسی‌نینگ غزه تورلی حدودلری جمله‌دن خان‌یونس شهریده اویوشتیرگن هجوملریده قربان بولگنلر.
بیزلرنینگ فیسبوک صحیفه‌میزگه باش اورینگ!
شونینگدیک بوگون ایرته‌لب اسرائیل اردوسی‌نینگ خان‌یونس شهری گه اویوشتیرگن هوا هجومی عاقبتیده، حماس‌نینگ سیاسی رهبرلریدن بیری صلاح البردویل همده تورموش اورتاغی قربان بولگنی اېتیلگن.
اسرائیل اردوسی‌نینگ غزه گه هجوملری عاقبتیده قربان بولگنلر آره‌سیده بیش باله شامل دیر.
بو مملکت حماس‌نی آتیش کېسین‌نی بوزیش گه عیبلب و قریب ایکّی آی‌دن سۉنگ غزه گه ینگی هجوملرینی قیته باشله‌گن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل‌نینگ غزه گه سۉنگی هجوملریده عیاللر و باله‌لر شامل چمه‌سی ۴۰۰ کیشی قربان بولگن.
