اسرائیل اردوسینینگ غزه تورلی حدودلریده اویوشتیرگن هجوملری عاقبتیده کمیده ۳۲ فلسطینلیک قربان بولیب و باشقه بیرقطار کیشی یرهلنگن.
خلقارا یېتکرمهلرنینگ معلوماتی اساسیده، بو کیشیلر ۲-ثور، سهشنبه کونی اسرائیل اردوسینینگ غزه تورلی حدودلریده اویوشتیرگن هجوملریده قربان بولگن.
معلوماتلر گه بناً، بیر عایلهنینگ ییتّی اعضاسی، اسرائیلنینگ غزه گه هجوملریده هلاک بولگنلر.
بیزلرنینگ فیسبوک صحیفهمیزگه باش اورینگ!
باشقه تاماندن، فلسطین ساغلیقنی سقلش وزیرلیگی، بالهلر فلجی (پولیو) گه قرشی اېملش کمپاینی باشلنیب و ۶۰۰ مینگ باله واکسین بولیشی کوتیلردی، اسرائیل تامانیدن غزه انسان سیورلیک یاردملری قمراوگه آلینیشی طفیلی آرتگه قالدیریلگنینی معلوم قیلگن.
بو وزیرلیکنینگ کوپهیتیریشیچه، پولیو گه قرشی واکسین کمپاینی آرتگه قالدیریلیشی غزهنی فلج قیلووچی کسل قیته کوچلنیش خوفی بیلن دوچ قیلگن.
اسرائیل و حماس اورتهسیده توقنشوولر باشلنگنیدن قریب ۱۸ آی اوتماقده و اوشبو مدت ایچیده، غزهده دایمی آتیش کېسین برقرار اېتیلیش اوچون آلیب باریلگن برچه سعی-حرکتلر حاضرگچه نتیجه بیرمهگن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیقنی سقلش وزیرلیگی گه کوره، اسرائیل و حماس اورتهسیده توقنشوولر باشلنگنیدن حاضرگه قدر ۵۱ مینگ ۲۶۶ فلسطینلیک قربان بولیب و باشقه ۱۱۶ مینگ ۹۹۱ کیشی یرهلنگن. اسرائیل حماس بیلن توقنشوولرده بیرمینگ ۱۳۹ اهالیسینی قولدن بیرگن.
