ایکینچلیک، سوغاریش و چاروهچیلیک وزیرلیگی، ۲۵۰ تُن انار قندهاردن روسیه گه یوباریلگنیدن خبر بیرگن.
اوشبو وزیرلیک، ۵-عقرب، دوشنبه کونی بیر بیانیه ترقهتیب بو حقده خبر بیرگن.
ایکینچلیک، سوغاریش و چاروهچیلیک وزیرلیگینینگ بیانیهسیگه کوره، خصوصی بیر کمپنیه همکارلیگی بیلن قندهاردن روسیه گه انار یوباریش رسمی جریانی باشلنگن.
بیانیه اساسیده، بو ولایتدن ایلکبار روسیه گه انار یوباریلگن. بیرینچی باسقیچده ۲۵ مینگ دالرلیک ۲۵ تُن انار، تورغندی یونهلیشی آرقهلی روسیه گه یوباریلگن.
ایکینچلیک، سوغاریش و چاروهچیلیک وزیرلیگی، اوشبو ییل ییغیم-تیریم یکونیگه قدر، توپلم ۲۵۰ تُن انار قندهاردن روسیه گه یوباریلیشینی بیلدیرگن.
بو صادراتنینگ باشلنیشی باغبانلر و تجارلر اوچون ینگی امکانیتلر آچیلیشی تأکیدلنگن.
قندهار انارینینگ روسیهگه یوباریلیشی شو پیتده باشلنگنیگه اعتبار قرهتیلماقده که، عینِ وقتده پاکستان تامانیدن اسپین بولدک چېگره یۉلی یاپیق قالماقده و اوشبو مملکتگه انار صادراتی تۉختهگن.
