پروان ولایتی معارف ریاستی محلی مسئوللری، اوشبو ولایت نینگ بگرام تومنی حدودلریده قیزلر مکتبی نینگ ۲۵ اوقووچیسی زهرلنگنینی معلوم قیلگنلر.
پروان معارف باشلیغی سیدمحمد فیضی ۶-جوزا، دوشنبه کونی اوشبو خبرنی تصدیقلب سلام‌وطندار گه ایتیشیچه، مذکور ولایت نینگ بگرام تومنی حدودلری «دشت رباط» منطقه‌سیده قیزلر مکتبی نینگ ۲۵ اوقووچیسی زهرلنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، بیرینچی صنف دن آلتینچی صنف گچه بولگن اوشبو زهرلنگن قیزلر کسلخانه گه آلیب باریلیب و دوالنگنلر و حاضر ساغلیق احوال‌لری یخشی دیېلگن.
بو قیز اوقووچیلر نینگ زهرلنیش سببی حاضرگچه انیقلنمه‌گن دیېدی، پروان معارف باشلیغی سیدمحمد فیضی.
بیزلرنینگ «ایکس» ترماغی ده هم تعقیب قیلینگ!
عین‌حالده، پروان مُلکی کسلخانه باش شفاکاری عبدالخلیل حیدری گه کوره، ۲۳ اوقووچی کسلخانه گه آلیب کېلینگن اېدیلر و دوالنیش‌لریدن سۉنگ قیته دن عایله‌لری گه تاپشیریلگن.
ایتیش کېره‌ک، اۉتگن هفته پروان ولایتی چاریکار شهری ۱۱ حوزه حدودلری قیزلر مکتبی نینگ اوچ اوقووچیسی، خوددی شونده‌ی زهرلنگن اېدیلر.
