روسیه، اوتگن کیچه ۲۶ کروز راکته و ۵۹۷ پهپاد بیلن اوکرایننینگ بیر قطار بولیملرینی نشانگه آلگن که نتیجهده، ۲۲ کیشی اولیب و یرهلنگن.
اوکراین جمهور باشلیغی ولودیمیر زلنسکی، بوگون (۲۱-سرطان، شنبه)، اکس صحیفهسیده یازیشیچه، روسیهنینگ اوتگن کیچه اویوشتیرگن هجوملری اوکرایننینگ شرقیدن غربیگچه کینگهیگن.
بیزلرنینگ فیسبوک صحیفهمیزگه باش اورینگ!
زلنسکینینگ کوپهیتیریشیچه، روسیه ۲۶ کروز راکته و ۵۹۷ پهپادنی آتگن که ۲۰دنآرتیق راکته، اوکرایننینگ هوا مدافعه تیزیملری آرقهلی توختهتیلگن.
اوکراین جمهور باشلیغیگه کوره، مذکور هجوملرده حربی آستقورمهلر و یشش بنالر زیان کورگن.
ولودیمیر زلنسکی، ینه بیر مرته روسیه هجوملری توختهتیلیشی اوچون بو مملکت گه تحریم قوییلیشیگه تاکید قیلگن. «بو اوروشنی یالغیز قدرت آرقهلی توختهتیش ممکن.»
بیزلرنینگ «ایکس» ترماغی ده هم تعقیب قیلینگ!
روسیه، ۲۰۲۲-ییل ۲۴-فبروری، اوکراین گه اوز حربی هجوملرینی باشلهب و بو اوروش جریانیده، مینگلب کیشی اولیب یا-ده یرهلنگن و اوکراین توپراغیدن بیر قطار بولیمی روسیه کوچلری تصرفیگه اوتگن.
اوروشنینگ یکونلنیشی اوچون بولگن دیپلماتیک سعیوحرکتلر حاضرگچه نتیجه بیرمهگن.
