اروپالیک و نااروپالیک ۲۱ مملکت، باسیب آلینگن کرانه باختریده شهرچه قوریش اوچون اسرائیلنینگ ریجهسینی بیکار قیلیشنی طلب قیلیب و اونی فلسطینلیکلر اوچون کېلهجک دهگی ایکّی دولتلی ییچیم یولیده توسیق دیب اتهگنلر.
بو ۲۱ مملکت ۳۰-اسد، پنجشنبه کونی قۉشمه بیانیهده، اسرائیلنینگ قیته قوریش ریجهلری «خلقارا قاعدهلر» گه ضد دیب ایتگنلر.
بیزلرنینگ فیسبوک صحیفهمیزگه باش اورینگ!
الجزیره گه کوره، اسرائیل «شرق ۱» نامی بیلن مشهور، اورشلیم شرقی حدودلریده ۱۲ کیلومتر مربع میدانده شهرچه قوریلیشینی باشلهیدی.
اوشبو کېنگهیتیریش ریجه اسرائیل شهرکنشینلری اوچون ۳۴۰۰ ینگی اوی-جاینی اوز ایچیگه آلهدی و او باسیب آلینگن کرانه باخترینی باسیب آلینگن اورشلیم شرقیدن اجره تهدی همده شو بیلن بیر وقتده منطقهدهگی مینگلب ناقانونی اسرائیللیک شهرچهلرینی اوز ارا باغلهیدی.
بیزلرنینگ «ایکس» ترماغی ده هم تعقیب قیلینگ!
اوشبو ۲۱ مملکت گروهی، فلسطینلیکلرنینگ اورشلیم گه کیریشینی چېکلش ایکّی دولتلی ییچیمنی امکانسیز قیلیشی ممکن دیب تأکیدلهگنلر.
بو گروه کانادا، دانمارک، هالند، نروژ، پرتگال، اسلوونی، اسپانیا، استونی، بلژیک، فنلند، فرانسه، ایسلند، ایرلند، ایتالیا، لتونی، لیتوانی، لوکزامبورگ و سویدن دن عبارت دیر.
