ایران رهبری مجتبی خامنه‌ای‌نینگ مصلحتچیسی محمد مخبرنینگ ایتیشیچه، اگر ایران پروازلرنی عملگه آشیره آلمسه و هوا قونالغه‌لری خذمت‌لریدن فایده‌لنه آلمسه، منطقه‌ده‌گی هیچ بیر دولت هم اوز مملکتلریگه پروازلرنی عملگه آشیره آلمه‌یدی.
مومیایی – بدخشان‌نینگ بلند تاغ‌لری و باریش قیین بولگن حدودلریده اوچره‌یدیگن نایاب طبیعی ماده دیر. بو قاره رنگلی ماده تاش‌لر و قایه‌لر (صخره‌لر) آره‌سیدن سیزیب چیقه‌دی و ییغیب آلینگچ تازه‌لنه‌دی و قیته ایشلنیب بازار گه چیقریله‌دی. او ییغیش جریانیده کوپلب قیینچیلیک‌لر و خوف-خطرلر گه قره‌می، اوشبو حدودلرنینگ کوپلب اهالیسی هنوزگچه اونی قزیب آلیش و ساتیش بیلن شغللنیب کیلماقده.
قزاقستان‌نینگ خزر دینگیزی‌ده بی‌درک یوقالگن ینه ایکی حربی خذمتچی‌نینگ جسدی تاپیلیب و هلاک بولگنلر سانی ۱۴ کیشی گه ییتگن.
اسرائیل اردوسی، اوشبو مملکت‌نینگ ایکی عسکری غزه‌ده‌گی توقنشوولر جریانیده اولگنیدن خبر بیردی.
افغانستان اسلام امیرلیگی مدافعه وزیرلیگی، اوتگن کونی قندهار ولایتی اسپین‌بولدک تومنی حدودلری یقینیده، پاکستاننینگ بیر حربی پوسته‌سی افغانستان تامانیگه قره‌ته اوق اوزگنیدن سونگ اونی یوق قیلگنینی بیلدیردی. اوشبو وزیرلیک، بوگون (۳ میزان/۲۵ سپتمبر، جمعه) ایکس اجتماعی ترماغیده بیر بیانیه ترقه‌تیب، ایکی تامان اورته‌سیده‌گی توقنشوولرده، اسلام امیرلیگی کوچلریگه هیچ قنده‌ی تلفات یا کی زیان ییتمه‌گنینی معلوم قیلگن.
اسلام امیرلیگی تشقی ایشلر وزیرلیگی سوزلاوچیسی عبدالقهار بلخی، امریکانینگ اسلام‌آباد ده‌گی ایلچیخانه‌سی پاکستان‌ده انیقلنگن صنعی بنگی‌وار ماده‌لر یوکی‌نینگ افغانستان‌دن کیلیب چیققنی حقیده‌گی ادعاسینی «اساس‌سیز و سیاسی انگیزه گه ایگه» دیب اته‌گن.
اسلام امیرلیگی رهبری شیخ هبت‌الله آخوندزاده‌نینگ، ۱۴۰۳ییل، آلتینچی فقره بیرینچی ماده‌سی فرمانیده، جمعیتده ناتوغری عرف-عادت‌لرنینگ آلدینی آلیش باره‌سیده عیال‌نینگ مهر حقی رعایه ایتیلیشیگه تأکیدلنگن. فرمان‌ده مهرنی بیلگی‌لشده حددن آشیش توغری ایمس‌لیگی، مهر عیال‌نینگ حقی ایکنی و باشقه هیچ کیم اونی آلیشگه حقلی ایمس‌لیگی قید ایتیلگن. شونینگدیک، آغیر و حددن تشقری کتته مقدارده‌گی مهرلر نکاح و تورموش قوریشگه توسقین‌لیک قیلوچی نامقبول عرف-عادت‌دن بیری صفتیده بهالنگن.
