نسایی‌ولادی شفاکارلری‌نینگ ایتیشیچه، اندومتریوز (بچه‌دان‌دن تشقریده اوسووچی توقیمه)، عیاللر آره‌سیده کینگ ترقه‌لگن بچه‌دان کسللیگی بولیب، بچه‌دان‌دن تشقریده مثلاً تخمدانلر و بچه‌دان لوله‌لریده اوسه‌دی. اوشبو کسللیک حیض پیتیده کوچلی آغریق‌لر، تاس (لگن) ساحه‌سیده آغریق و آخر-عاقبت عیاللرده بی‌پُشت‌لیککه سبب بولیشی ممکن.
افغانستان اولاق ملی تیرمه جماعه‌سی، ۲۰۲۶-ییلگی بوتون جهان کوچمنچیلر تورنمنتیده فقط بیر اویین بیلن مسابقه‌‌لردن حذف بولدی. مملکت ملی پوش‌لری اوشبو تورنمنت‌نینگ بیرینچی اویینیده اوزبیکستان برابریده ۴-۱ حسابی‌ده مغلوب بولدی، اوندن کیین افغانستان مغولستان و قرغیزستان جماعه‌لریگه قرشی اوینمه‌دی و ایکیله مسابقه نتیجه‌سی رقیب‌لری منفعتی گه اعلان قیلیندی.
غزنی محلی مسئوللری، اوشبو ولایت‌نینگ جاغوری تومنیده صادر بولگن یانغین عاقبتیده، بیر باله هلاک بولگنیدن خبر بیردیلر. غزنی امنیه قوماندانلیگی سوزلاوچیسی خالد سرحدی سلام‌‌طندار بیلن صحبتیده ایتیشیچه، واقعه ۱۲ سنبله/۳ آگست، پنج‌شنبه، جاغوری تومنی «سنگ‌ماشه» بازاریده صادر بولگن و اونینگ نتیجه‌سیده ۱۰ یاشلی بیر باله هلاک بولگن و آلتی‌ته آزیق-آوقت غرفه‌سی یانیب کیتگن.
