افغانستان فوتبال فدراسیونینینگ فوتسال کمیتهسی و «ملی سپورت» تلویزیونی آرهسیده، کابل فوتسال لیگهسی ییتینچی دور بیلهشوولرینینگ جانلی یایینلنیشی مقصد، همکارلیک شرطنامه امضالنگن. مذکور شرطنامه بوگون (۲۳-جدی، سهشنبه)، کابل ده افغانستان فوتسال کمیتهسینینگ اداری مدیری خلیل یعقوبی و افغانستان ملی تلویزیونینینگ پلان و پالیسی مسئولی محمدفهیم رامکی آرهسیده امضالنگن.
بیرلشگن ملتلر تشکیلاتی جنایت و بنگیوار مادهلرگه قرشی کورهش ادارهسینینگ اعلام قیلیشیچه، ایتالیا افغانستاننینگ جبرلنهدیگن یاشلری و عیاللرینی قانونی درآمد امکانیتلریدن فایدهلنیشینی قوللب-قوتلش مقصد، بیر میلیون یورو اختصاص بیرگن.
قانون و شریعت گه کوره، ایرلرنینگ خاتینلری آلدیده مالیهوی شفافلیکنی تأمینلشی عیالنینگ ایر اوستیدهگی حقوقلریدن بیری حسابلنهدی. بیراق، کوپلب عیاللر بو حقوقنی قانونی یوللر بیلن طلب قیلیش اصوللریدن بیخبر. دین عالملری و حقوقشناس متخصصلرنینگ تأکیدلشیچه، مالیهوی سِر سقلش نهفقط شرعی جهتدن ناتوغری، بلکی قانونی جهتدن هم جوابگرلیککه تارتیلیشی ممکن. دین عالملری و حقوق شناسلر فکریگه کوره، عیال عایلهنینگ مالیهوی احوالی حقیده خبردار بولیش و مالیهوی قرار قبول قیلیشده اشتراک ایتیش حقوقیگه ایگه.
ینگی دهلیده اسلام امیرلیگی ایلچیخانهسی سرپرستی نوراحمد نور، هندوستان تشقی ایشلر وزیرلیگیده پاکستان، افغانستان و ایران بولیمی عمومی باشلیغی آنند پراکاش بیلن اوچرهشیب و ایکی تامانلمه موضوعلر توغریسیده صحبت قیلگن.
امریکا تشقی ایشلر وزیرلیگینینگ اعلام قیلیشیچه، دونالد ترامپنینگ جمهورلیک ریاستیگه قیتیشی بیلن، ۱۰۰مینگدن آرتیق ویزا بیکار قیلینگن.
رئال مادرید کلوبی، باش مربی ۴۴ یاشر ژابی آلانسو بیلن یوللرنی اجرهتیشگه قرار قیلدی. سپورت ییتکرمهلرینینگ معلوماتیگه کوره، رئال مادرید جماعهسی اسپانیا سوپرکپ فینالیده بارسلونا برابریده ۳:۲ حسابی بیلن مغلوب بولگچ، ایکی تامان یوللرنی اجرهتگن.
ایران تشقی ایشلر وزیری سیدعباس عراقچینینگ اعلام قیلیشیچه، امریکا ایران گه قرشی حربی حرکتنی «سینب کورگنی» صورتده، تهراننینگ اوروشگه بوتونلی شکلده تیارگرلیگی بار. عراقچی، بو بیاناتنی «الجزیره عرب» بیلن اوتکزگن مخصوص صحبتلریده و امریکا جمهور باشلیغی دونالد ترامپنینگ سونگی تهدیدلری…
