الجزیره فلسطین طبی منبعلریدن نقل قیلیب گزارش بیریشیچه، قربان هییتینینگ ایکینچی کونیده، اسرائیل اردوسینینگ غزه بویلب اویوشتیرگن هجوملریده، کمیده ۶۶ کیشی قربان بولیب و بیر قطار کیشی یرهلنگن.
اسلام امیرلیگی رهبری شیخ هبتالله آخوندازده، قندهار شهری عیدگاه مسجدیده قربان هییتی نمازیدن کیینگی نطقیده ایتیشیچه، تجربهلر اساسیده دموکراتیک توزومینینگ مملکتده فایدهلی بولمهگنی بیرحالده، بعضیلر ینه افغانستان ده بو توزومنینگ قیتیشی اوچون یولنی آچیشگه سعیوحرکت قیلماقده.
اسلام امیرلیگی باش وزیری محمدحسن آخوند، قربان هییتی نمازیدن کیین ارگ ده قیلگن نطقیده افغانستان بویلب عمومی کیچیریم رعایت بولگنینی بیان قیلیب و تشقی مملکت گه کیتگن برچه افغانستانلیکلردن، مملکت گه قیتیشلرینی ایستهگن.
اسرائیل اردوسینینگ اعلام قیلیشیچه، نوار غزه جنوبیده جایلشگن خانیونس شهریده اوتکزیلگن حربی بیر عملیات جریانیده، اوشبو مملکتنینگ تورت عسکری هلاک بولیب و باشقه بیر تهسی یرهلنگن.
افغانستان فوتبال فدراسیونینینگ اعلام قیلیشیچه، ۲۰ یاشنی تولدیرمهگن تیرمه جماعهسی، آسیا مرکزی فوتبال رقابتلری (کافا)، گه شرکت قیلیش اوچون تاجیکستان پایتختی دوشنبه شهریگه بارگنلر.
افغانستان ده بیرلشگن ملتلر تشکیلاتینینگ اورینباسرلیک ادارهسی (یوناما)، قربان هییتی توغریسیدهگی بیر پیامیده، بو مناسبتنی «چقور یرهشوو و بیردملیک لحظهسی» دیب، اوشبو هییت افغانستان اهالیسینی کوپینچه شفقت، برقرار تینچلیک و یخشیراق کیلهجکنی قوریش اوچون ینگی تعهد تامان آلیب باریشیگه امیدوارلیک قیلگن.
اسلام امیرلیگی سوزلاوچیسی ذبیحالله مجاهدنینگ ایتیشیچه، قربان هییت نمازی اسلام امیرلیگی رهبری شیخ هبتالله آخوندزادهنینگ امامتی بیلن قندهار شهری عیدگاه مسجدیده اوقیلگن.
