ساغلیق‌نی سقلش وزیرلیگی سرپرستی قلندر عباد، خلق‌ارا ساغلیق‌نی سقلش تشکیلاتی و یونیسف‌دن ساغلیق بولیمی ایشلاوچیلری ظرفیتی آشیشی، اوزاق بولیم‌لر یشاوچیلری گه درمانی خذمت‌لر ییتیشتیریلیشی و باله‌لر فلج‌لیگی کسل‌لیگی نینگ بوتونلی شکلده اورته‌دن کیتیشی اوچون افغانستان ده ساغلیق سکتوری بیلن همکارلیک قیلیشلرینی ایسته‌گن.
ساغلیق‌نی سقلش وزیرلیگی اوز اکس صحیفه‌سیده بیر بیانیه آرقه‌لی یازیشیچه، عباد بو موضوع نی افغانستان اوچون خلق‌ارا ساغلیق‌نی سقلش تشکیلاتی نینگ شرقی مدیترانه منطقه باشلیغی حنان‌حسن بلخی و افغانستان اوچون یونیسف باشلیغی تاج‌الدین آویلا بیلن اوچره‌شگنی‌ده بیان قیلیب و افغانستان ده ساغلیق سکتوری بیلن بو نهادلر نینگ دواملی همکارلیک‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک نینگ کوپه‌یتیریشیچه، خلق‌ارا ساغلیق‌نی سقلش تشکیلاتی و یونیسف افغانستان گه دواملی همکارلیک‌لریدن ایشانچ بیرگنلر.
شونده‌ی بیرحالده، ولایت‌لردن قطاری‌ده‌گی اوزاق بولیم‌لر یشاوچیلری نینگ ایتیشلریچه، حیات کیچیره‌دیگنلری محل‌ده درمانی خذمت‌لر و مرکزلر یوقلیگی، اولر نینگ قیین‌چیلیک بیلن روپه‌ره قیلگن.
غور ولایتی چهارسده تومنی یشاوچیسی شاه‌محمود نینگ ایتیشیچه، حیات کیچیره‌دیگن محل‌ده یالغیز بیر درمانی مرکز بار که دارو و شفاکار کم‌لیگی بیلن روپه‌ره دیر.
اونینگ کوپه‌یتیریشیچه: «کوپینچه قیین‌چیلیک و بیرته کلینیگی‌میز بار؛ برچه قیشلاق‌لردن بو کلینیککه کسل‌لری نی کیلتیره‌دیلر؛ کوپینچه پیت کسل‌دارلر کسل‌لری نی آلیب کیلگنلری پیتده، دارو یوق و شفاکار هم آز دیر.»
غزنی ولایتی خواجه عمری تومنی یشاوچیسی محمدعارف نینگ ایتیشیچه: «بو ییرده نیچه کیلینک بار؛ لیکن شفاکار و دارو یوق؛ کوپینچه قیین‌چیلیک بیلن روپه‌ره‌میز. دولت‌دن بو کلینیک‌لر گه شفاکار، دارو و باشقه درمانی امکانیت یرهتیلیشی نی ایستهیمیز.»
عین حالده، ساغلیق ایشلری بوییچه ایش بیلرمان‌لریدن قطاری نینگ ایتیشلریچه، افغانستان ده ساغلیق بولیمی‌ده‌گی آزلیک قیینچیلیکلری نی حل قیلیش اوچون، خلق‌ارا یاردم‌لر ارائه بولیشی گه علاوه اوزون مدت‌لی برنامه‌لر نینگ عمل گه آشیریلیشی گه هم نیاز بار.
بیزلرنینگ «ایکس» ترماغی ده هم تعقیب قیلینگ!
ساغلیق‌نی سقلش وزیرلیگی نینگ سابق معینی فدامحمد پیکان نینگ ایتیشیچه، افغانستان نفوسی اساسیده محیطی و جغرافیایی انیق برنامه توزه‌تلیشی و نیازلر نی بیلیش، دروامی خذمت‌لر گه اهالی نینگ فایده‌لنیشی اوچون فایده‌لی یوللردن دیر.
افغانستان ساغلیق‌نی سقلش سکتوری، دنیا یاردم‌لری گه کوپراق تیگیشلی بولگن عمومی سکتورلردن دیر. اوتگن ایکی ییل‌ده ساغلیق‌نی سقلش وزیرلیگی نیچه مرته مملکت‌لر و خلق‌ارا نهادلردن افغانستان ده ساغلیق سکتوری بیلن همکارلیک قیلینیشی نی ایسته‌گن.
