بوگون تخار ولایتی رستاق تومنیده سپورتچیلر و سپورت سیورلر آرقه‌لی عنعنوی اوچ کونلیک بیر جشن باشلنگن.
مذکور جشن تخار ولایتی نینگ اون آلتی تومنی‌دن یوزلرچه سپورتچی نینگ شرکتی بیلن رستاق تومنی قوش‌خانه دله‌سیده باشلنیب و بو جشن نینگ باشلنیش کونی‌ده اوغلاق پهلوانلری، کوره‌ش پهلوانلری، فوتبالچیلر و دهقانلر، تماشاچیلر حضوری‌ده سپورت و ایکینچیلیک وسیله‌لرنی نمایش گه قویگنلر.
بهار موسومی ییتیب کیلگنی بیلن بیرگه، بلخ ولایتی مرکزی مزارشریف شهری نینگ تورلی سرک‌لری یانیده اوتیب-قیته‌دیگنلر توجه‌سینی اوزیگه قره‌تیش مقصد گل ساتووچیلر آرقه‌لی رنگ-برنگ گل‌لر و میوه‌لی و میوه‌سیز کوچتلر نمایش گه قوییلگن.
اوتگن کون (یک‌شنبه، ۹-ثور)، بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، بیر گزارش آرقه‌لی جاری میلادی ییل نینگ باشلنگنی‌دن حاضرگچه افغانستان ده ۱۴مینگ ۵۰۰دن آرتیق شبهه‌لی قیزه‌میققه چیلنگن کسل نینگ رویخط گه آلینگنی و اولر ارا ۷۱ ته‌سی نینگ بو کسل‌لیک عاقبتیده جان بیرگنی نی اعلام قیلگن.
ینگی‌لیکده روسیه تشقی ایشلر وزیری اۉرین باسری میخاییل گالوزین، مسکو افغانستان ده همه‌شمول حکومت تشکیل اېتیلمه‌گونچه، اسلام امیرلیگینی تن آلمسلیگینی بیلدیرگن. روسیه تشقی ایشلر وزیرلیگی اۉرین باسری بو سۉزلرنی ینگی‌لیکده اۉزبېکستان تشقی ایشلر وزیرلیگی ده اۉتکزیلگن ییغیلیش ده بیان قیلگن.
فراه صناعت و سوداگرلیک اداره باشلیغی شمس‌الحق اجمل نینگ ایتیشیچه، اوتگن کون (یک‌شنبه، ۹-ثور)، اوشبو ولایت‌ده کمال‌الدین اسملی بیر سوداگر آرقه‌لی ۲۰۰مینگ دالر ارزشی گه اون ایشلب چیقریش بیر ایشخانه فایده‌لنیش گه تاپشیریلگن.
غزنی ولایتی قره‌باغ تومنیده اۉتگن اوروش‌لردن قالگن اوق پارتلشی عاقبتیده بیر کیشی هلاک بولیب و باشقه تورت کیشی یره‌لنگن. غزنی امنیه قوماندان‌لیگی سۉزلاوچیسی خالد سرحدی نینگ سلام‌وطندار گه ایتیشیچه، اوشبو ولایت نینگ قره‌باغ تومنی «دهن‌کورک» قیشلاغیده اۉتگن اوروش‌لردن قالگن اوق پارتلشی باعث، ۱۵ یاشر بیر باله قربان بولیب و باشقه تورت باله یره‌لنگن.
قندوز ولایتی آقتاش تومنی محلی مسئوللری نینگ ایتیشلریچه، اوشبو تومن نینگ بیش قیشلاغیده یوز بیرگن سوو تاشقینلر عاقبتیده، یشش اویلر، سرکلر و ایکینچیلیک ییرلر ویران بولیب و اونلب باش چاروه تلف بولگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
