سابق حکومت حربی‌لریدن بیری نینگ آنه‌سی، آتی سِر قالیش شرطی بیلن سلام‌وطندار گه ایتیشیچه، سابق حکومت خوفسیزلیک کوچلری نینگ عضوی بولمیش اوغلی، نیچه مدت آلدین قندهار ده نامعلوم قوراللی کیشی‌لر تامانیدن اوققه توتیلیب اولدیریلگن. اوشبو عیال نینگ کوپه‌یتیریشیچه، حاضرگچه اوغلی نینگ نیمه اوچون اولدیریلگنی و اوشبو قضیه عامللری بیللی بولمه‌گن؛ شونینگدیک، اسلام امیرلیگی کوچلری نیچه مرته اوغلی نینگ قورالی و موترسایکلی نی قیتیریشینی ایسته‌گن.
اونگه کوره، اسلام امیرلیگی کوچلری نینگ باسیم‌لری سبب، بازاردن تفنگچه آلیب و اولر گه بیریش گه مجبور بولگن. او نینگ کوپه‌یتیریشیچه: «اوغلیم ۲۵ یاشر ایدی، سابق حکومت ده ایشلر ایدی. شخصی دشمن‌لیگیمیز یوق ایدی. اوغلیم کیچیک‌کینه بچه ایدی. اسلام امیرلیگی دن اوغلیم نینگ قاتلی نی تاپیشنی ایسته‌یمن. اسلام امیرلیگی حکومتیدن هیچ کیم کیلیب و احوالی‌میز نی آلگنی یوق. آوازیم نینگ کابل گه ییتیشیشی کیره‌ک. سیسیم ذبیح‌الله مجاهد گه ییتیشیشی کیره‌ک.»
شونینگدیک ینگی‌لیکده، کنر ده ناتانیش قوراللی کیشی‌لر تامانیدن اولدیریلگن سابق حکومت حربی‌لریدن بیری نینگ عایله اعضاسی گه کوره: «سابق حکومت ده عایله اعضالریمیزدن بیرینی کنر امنیه قوماندانلیگی ده وظیفه‌سی بار ایدی، کیچه ناتانیش قوراللی کیشی‌لر تامانیدن اولدیریلیب و ایرتنگ تامان جسدی تاپیلدی. حاضرگی حکومت دن بو کبی واقعه‌لرنی تیکشیریشنی ایسته‌یمیز.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، اوتگن بیر یریم ییل ده سابق حکومت حربی‌لری نینگ اولدیریلیشی، افغانستان ده حیات کیچیریب کیله‌یاتگن حربی‌لردن قطاری نینگ خواطرینی کوچه‌یتیرگن.
سابق حکومت حربی‌لریدن بیری خوفسیزلیک تهدید‌لر سبب کیم‌لیگی سِر قالیش شرطی بیلن ایتیشیچه، حاضر روحی یامان شرایط‌‌ده کیچه_کوندوز نی اوتکزماقده دیر.
اونگه کوره، جانی مصئونیتی یوق‌لیگی و اقتصادی قیینچلیک، اوزی و عایله اعضالری نینگ خواطری گه سبب بولگن.
او نینگ کوپه‌یتیریشیچه: «کیچه‌لر اویقوم یوق. نیمه ایدیم و نیمه بولدیم. فرزند‌لریم نینگ روحیه‌سی هم بوزیلگن. حیران قالگن‌میز. هیچ جای گه هم کیته آلمه‌یمیز و اولکه ده قالیب حیات کیچیریش قیین یولگن. یالغیز مین ایمس بو مین کبی یوزلرچه کیشی نینگ قیین‌چیلیگی دیر.»
سلام‌وطندار بیلن صحبت اوتکزگن اسلام امیرلیگی ایچکی ایشلر وزیرلیگی، سابق حکومت حربی‌لری ترور بولیشینی تصدیقلب، اولر نینگ ترور بولیشینی شخصی دشمن‌لیک عنوان قیله‌دی.
ایچکی ایشلر وزیرلیگی سوزلاوچیسی نینگ اورین‌باسری گه کوره، سابق حکومت حربی‌لرینی ترور قیلگنلر بیلن قانونی یانده شه‌دیلر.
او نینگ ایتیشیچه: «بو کبی قتل‌لر، بلکیم شخصی دشمن‌لیک‌لر سبب یوز بیریشی ممکن، عمومی کیچیریم نی نظر گه آلیش بیلن، بو کبی قتل‌لر پولیس تامانیدن جدی شکلده تیکشیریله‌دی و قاتل‌لر بیلن قانونی یانده‌شیله‌دی.»
بیزلرنینگ توییترده هم تعقیب قیلینگ!
عین حالده، حربی ایش بیلرمان‌لر، سابق حکومت حربی‌لری ترور بولیشی خصوصیده‌گی گزارش‌لر دن خواطر بیلدیریب ایتیشلریچه، افغانستان ده سیاسی قیین‌چیلیک‌لر حل بولمه‌گونچه، اوشبو وضعیت دوام تاپیشی ممکن.
اولر نینگ ایشانچی گه کوره، سابق حکومت حربی‌لری نینگ ترور بولیشی، جانی مصئونیتی بولمه‌گن کوچلردن بیرقطاری، ترورچی گروه‌لر صفی گه قوشیلیش اوچون زمینه یره ته‌دی.
بو توغریده سابق حربی ثمر سادات نینگ ایتیشیچه: «سابق حربی‌لر اوی‌لریدن چیقریلگن و نامعلوم شکلده اولدیریلگن. بو ظلم دوام تاپماقده.»
خوفسیزلیک مسئله‌لر بیلرمانی سرور نیازی گه کوره: «بو وضعیت ده اولر داعش یا-ده اسلام امیرلیگی گه قرشی گروه‌لر گه قوشیلیشی ممکن. بو احوال اسلام امیرلیگینی قیینچیلیک بیلن دوچ قیلیشی ممکن.»
اسلام امیرلیگی افغانستان ده حاکمیت نی قولگه آلیشیدن کیین عمومی کیچریم اعلام قیلیب، ناتینچ‌لیککه قرشی کوره‌شیش و سابق حکومت حربی کوچلری ترور بولمسلیگی خصوصیده ایشانچ بیرگن ایدی، لیکن اوتگن بیر یریم ییل ده، میدیالر ده سابق حکومت حربی کوچلری دن قطاری نینگ ترور بولیشی گه دایر، کوپینچه گزارش‌لر ترقه‌لگن.
