«پکول» افغان‌لر نینگ فرهنگی بیر بولیمی دیر که دهه‌لردن بویان افغانستان خلقی اوندن قوللنه‌دی و حاضر ایسه خلق‌ارا بویلب شهرت قازانگن.
پکول مملکت نینگ تورلی منطقه‌لریده ایشلب چیقریله‌دی؛ بیراق اینگ مشهور پکول‌لر کنرده ایشلب چیقریله‌دی. بو گَل پکول علاقه‌مندلری نه فقط کنر ده و مشرقی ولایت‌لرده کوپ دیر؛ بلکه باشقه ولایت‌لر نینگ یشاوچیلری و حتا چیت ایل گه ساوغه اوله‌راق آلیب باره‌دیلر.
کنر مرکزی اسدآباد شهری ده پکول ایشلب چیقرووچی دوکان‌لر جوده هم کوپ دیر که دوکان ایگه‌لری پکول ایشلب چیقریش گه مصروف، حاضر بو صناعت اهالی نینگ کسب‌وکاری و یخشی درآمدی گه اوزگرگن.
بیزلرنینگ فیسبوک صحیفه‌میزگه باش اورینگ!
مذکور صناعتکارلردن بولمیش عطاء‌الله نینگ ایتیشیچه، مملکت بویلب سونگی اوزگریش اولرنینگ ایشی اوستیگه تأثیر قیلمه‌گن و آدم‌لر اوشبو صناعت رواجی اوچون کنری پکول آلیشه‌دی.
اونینگ کوپه‌یتیریشیچه، «مرغوب پکولی» ده کوپراق یونگ و عالی پارچه‌لر قوللنیله‌دی و اولر مشتری‌لری نینگ خواستی گه ماس برچه طرح‌لرنی تیارلشه‌دی.
عطاء‌الله گه کوره، کنر ده سابقه‌لی و ماهر ایشلاوچیلر موجود، شونی اوچون کنر ده ایشلب چیقریلگن پکول خریدارلری کوپ دیر.
پکول ساتووچیلردن باشقه بیری صدیق‌الله گه کوره، کنری پکول خریدارلری و علاقه‌مندلری کوپ دیر و کوپ سانده یشاوچیلر باشقه منطقه‌لردن کیلیب و اوشبو پکول‌لرنی ساتیب آلیشه‌دی و ساوغه اوله‌راق چیت ایل گه یوباره‌دیلر.
پکول توزه‌تیش اوچون مخصوص پارچه‌لر تشقری دن وارد قیلینه‌دی و بیر پکول ۲۰۰ افغانی دن ۱۰۰۰ افغانی گچه ساتیله‌دی.
اوشبو کونلر کیکسه کیشی‌لر گه علاوه، یاشلر کنری پکول دن قوللنماقده‌لر. اولر نینگ ایتیشلریچه، پکول نی ساتیب آلیش گه قوشیمچه، اجدادلری نینگ میراث‌لرینی حفظ قیلیشنی ایسته‌یدیلر.
بیزلرنینگ توییترده هم تعقیب قیلینگ!
کنر یشاوچیلریدن حسین نینگ ایتیشیچه، پکول اولر نینگ اهمیتلی سنت‌لریدن بیری دیر که ییگیت‌لر و کیکسه کیشی‌لر نه فقط خورسندلیک کونلرده قوللنه‌دیلر؛ بلکه مهمان‌لری گه ساوغه صفتیده تقدیم قیلیشه‌دی.
کنر ده پکول گه قوشیچه پشمی چپن‌لر توزه تیله‌دی؛ بیراق چپن بازاری پکول بازاری گه قره‌گنده اونچه‌لیک قیزیق ایمس. کنر یشاوچیلری و صناعتچیلری، اقتصادیات‌لری یخشی‌لنیشی، اجدادلری نینگ میراث‌لرینی اسره‌ش اوچون، بوتوغریده دقت قیلینیشنی طلب قیله‌دیلر.
