هرات حاکمی عبدالصبور قانع نینگ ایتیشیچه، اوشبو ولایت نینگ چشت تومنیده جایلشگن امنیتی کوچلرنی یخشی شکلده سازمان بیریش اوچون بو تومن نینگ ایکینچی بولیمی‌گه انتقال بیرگنلر. هرات حاکمی نینگ سلما توغانی‌گه قرشی بولگن امنیتی تهدیدلرنی رد قیلیب ایتیشیچه، سلما توغانی‌گه قرشی امنیتی تهدیدلر بولگن مش‌مشلر ناتوغری دیر.
عبدلصبور قانع نینگ سلما توغانی خوفسیزلیگی تامین‌لنیشیدن ایشانچ بیریب ایتیشیچه، اوشبو توغان نینگ خوفسیزلیگی‌نی تامین‌لش اوچون نیاز بولگن اقدام‌لرنی انجام بریشی ممکن. هرات حاکمی نینگ کوپه‌یتیریشیچه، سلما توغانی خوفسیزلیگی‌نی تامین‌لش اوچون ییترلیچه حربی موجود و نیاز بولگن صورتده، کمکی کوچلر هم محلگه یوباریلیشی ممکن.
اوتگن “دوشنبه” کونی طالبان جنگریلری سلما توغانی نینگ محافظتی بیر قرارگاهی اوستیگه هجوم قیلیب امنیتی کوچلردن ۱۶ ته‌سی‌نی اولدیرگن بیرحالده، هرات حاکمی اوشبو توغان خوفسیزلیگی نینگ تامین‌لنیشیدن ایشانچ بیره‌دی.
ایتیلیشیچه، چشت تومنی نینگ مرکزی هم اوتگن کونی طالبان قولیگه سقوط قیلگن. عین‌حالده، سلما توغانی نینگ محافظتی کندکی قومندانی الله‌محمد همدرد نینگ سلام‌وطندارگه ایتیشیچه، اوشبو توغان‌گه قرشی امنیتی تهدید کوپ دیر. اونینگ ایتیشیچه، بیر آیدن بویان هرات محلی مسوول‌لری و ۲۰۷ ظفر قول اردو قومندانلیگی دن یاردم ایسته‌گن‌لر، لیکن حاضرگه‌قدر هیچ‌قنده‌ی دقت صورت تاپمهگن.
