خلقارا ییتکرمهلرنینگ گزارش بیریشیچه، کیسکین ایسیق تولقینی بیلن بیرگه، اسپانیانینگ بیر قطار بولیملریده کینگ کولملی کمیده ۲۰ یانغین یوز بیریب و دولت اولرنینگ اوچیریش اوچون کوپینچه کوچ یوبارگن.
الجزیره ترماغینینگ گزارشی گه کوره، اسپانیا دولتی اوتگن کون (۲۶-اسد، یکشنبه)، باشقه ۵۰۰ ته حربینی محل گه یوبارگن؛ لیکن ناقولی آب-هوا شرایطی یانغیننینگ اوچیریلیشینی قیینلشتیرگن. ینگی یوباریلگن کوچلر بیلن بو مملکت بویلب جایلشتیریلگن حربیلر سانی بیر مینگ ۹۰۰ گه ییتیشگن.
بیزلرنینگ «ایکس» ترماغی ده هم تعقیب قیلینگ!
محلی رسمیلرنینگ اعلام قیلیشیچه، جبرلنهدیگن منطقهلردن قطاری بوشهتیلیب و بیر قطار بولیملرده قرنتین تدبیرلری عملگه آشیریلگن.
شونینگدیک اسپانیانینگ تیمیریولی ملی کمپنیهسی، مادرید–گالیسیا تیزسرعتلی قطار خذمتینی یانغینلرنینگ کوچلی بولگنی سبب، توختهتگن. بو بیلن بیرگه اهالیدن ماسک تاقیب و آچیق فضاگه کوپراق چیقمسلیکلری سورهلگن.
بیزلرنینگ فیسبوک صحیفهمیزگه باش اورینگ!
اسپانیا، پرتگال و باشقه نیچه جنوبی اروپا مملکتلری یانیده، سونگی ایکی دههده یانغیننینگ اینگ کوچلی موسوملرینی تجربه قیلماقده. یالغیز اوتگن بیر هفتهده، اوشبو مملکتده اوچ کیشی قربان بولیب و ییرلردن بیر مینگ ۱۵۰کیلومتر مربعدن آرتیغی آلاو آلگن.
