بیرلشگن ملتلر تشکیلاتی قاچقینلر ایشلری بوییچه عالی کمیساری یا-ده (UNHCR)، جاری ییلده ۲.۵ میلیون افغانستانلیکنینگ ایران و پاکستان دن قیتگنی و منبعلرنینگ چیکلنگنی سبب، قیتگنلردن برچهسیگه بو نهادنینگ نقدی یاردم کورسته آلمسلیگینی معلوم قیلگن.
مذکور نهاد بیر بیانیه آرقهلی یازیشیچه، یالغیز جاری ییلده مملکت گه قیتگن ۵۰۰ مینگدن آرتیق افغانستانلیککه، مالی یاردم بیرگن.
بیرلشگن ملتلر تشکیلاتی قاچقینلر ایشلری بوییچه عالی کمیسارینینگ کوپهیتیریشیچه، ایران و پاکستان دن افغانستانلیک قاچقینلرنینگ قیتیش میزانی جاری ییلده کوپ بولیب و مالی باسیملر سبب، یاردملر اینگ جبرلنهدیگنلر جملهدن عیاللر، بالهلر و ناگران کیشیلرگه اولویت طرزده عملگه آشیریلهدی.
بو نهادگه کوره، منبعلر و افغانستان خذمتلریگه باسیم کیلیشی آلدی آلینیشی و قیتگنلرگه انسانسیورلیک جوابنینگ برقرار قالیشی اوچون، افغانستان یشاوچیلرینینگ «باسقیچمه-باسقیچمه و حرمت» بیلن قیتریلیشی تضمینلنیشی مقصد، قوشنی مملکتلر بیلن صحبتلشماقده.
ایران و پاکستان، نیچه ییلدن بویان افغانستانلیک قاچقینلر میزبانی بولیب، سونگی ییللرده قاچقینلر برابریده چیکلاولر و قیتریلیش کوپهیگن. یالغیز اوتگن کون ۷ مینگ ۹۹۰ کیشی اوشبو ایکی مملکتدن چیقریلیب و افغانستان گه قیتریلگن.
