پروان و پنجشیر ده عیال کسل‌لردن قطاری، تیش کسل‌لیگی بولیمی‌ده طبی امکانیت آزلیگیدن شکایت قیلیب ایتیشلریچه، اوشبو ایکی ولایت نینگ ولایتی کسل‌خانه‌لریده طبی امکانیت‌لردن فایده‌لنه آلمسلیکلری سبب، تیشلرینی توزه‌تیش و دوالش اوچون خصوصی کسل‌خانه‌لر گه مراجعت قیله‌دیلر.
پروان یشاوچیسی زرمینه نینگ ایتیشیچه، ولایتی کسل‌خانه‌ده درمانی خذمت‌لر گه قول تاپه آلمسلیک سبب، تیشلرینی خصوصی کسل‌خانه‌ده کوپینچه خره‌جت بیلن دوالش گه مجبور بولگن.
اونینگ کوپه‌یتیریشیچه: «عیال‌لردن کوپینچهسی بو قیین‌چیلیک بیلن روپه‌ره دیر؛ خره‌جتی کوپ و اقتصادی‌میز ضعیف دیر. دولتی کسل‌خانه‌لرده هم یالغیز تیش‌نی چیقره‌دیلر، نه تیش نی تولدیره‌دیلر و نه هم یووه‌دیلر.»
پنجشیر یشاوچیسی نجلا نینگ ایتیشیچه، نیچه تیشی سینیب و تیشی چیریشی کسل‌لیگی گه چلینگن دیر؛ بیراق اقتصادی قیین‌چیلیک سبب، خصوصی کسل‌خانه‌ده تیشلری نی درمانلش گه کوچی ییتیشمه‌یدی.
بیزلرنینگ «ایکس» ترماغی ده هم تعقیب قیلینگ!
مذکور پنجشیر یشاوچیسی نینگ کوپه‌یتیریشیچه: «۱۰ ته تیشیم خراب بولگن؛ کلینیککه مراجعت قیلگنیم‌ده، یالغیز تیش چیقره‌دیلر یا-ده پراستامول کبی بیران دارو بیره‌دیلر. اهالی نینگ خصوصی کلینیک‌لر گه باریش گه کوچی ییتیشمه‌یدی. پنجشیر نینگ ولایتی کسل‌خانه‌سی تیش بولیمی نی ستندرد قیلیشی کیره‌ک.»
مذکور کسل‌لر، ساغلیق‌نی سقلش وزیرلیگی‌دن طبی امکانیت آزلیگی قیین‌چیلیگی اینیقسه تیش بولیمی‌ده‌گی قیین‌چیلیککه توجه قیلیب و ولایت‌لرده کسل‌لر نینگ درمانی خذمت‌لر گه قول تاپیش زمینه‌سی یره‌تیلیشینی ایسته‌گنلر.
باشقه بیر تاماندن، پنجشیر ساغلیق‌نی سقلش ریاستی اورین‌باسری خواجه‌آقا غفوری، اوشبو ولایت نینگ درمانی مرکزلریده، تیش بولیمی‌ده درمانی امکانیت آزلیگی نی قبول قیلیب ایتیشیچه: «پنجشیر بویلب ایکی ساغلیق مرکزده دولتی ایکی شفاکاریمیز بار که آبسی و تیش نی چیقریش بولیمی‌ده ایشله‌یدیلر.»
غفوری نینگ کوپه‌یتیریشیچه، ۱۴۰۲-ییل‌ده قریب ۱۵ مینگ کیشی تیشلری قیین‌چیلیگی نینگ دوالنیشی اوچون پنجشیر ده‌گی مذکور ایکی درمانی مرکز گه مراجعت قیلگن.
شونینگدیک پروان ولایتی کسل‌خانه‌سیده‌گی شفاکارلر نینگ ایتیشلریچه، اوتگن ییل قریب ۲۰ مینگ کیشی تیشلری قیین‌چیلیگی نینگ دوالنیشی اوچون اوشبو مرکز گه مراجعت قیلگن که اولردن کوپینچهسی نی عیال‌لر تشکیل بیرگن دیر.
پروان ولایتی کسل‌خانه‌سیده‌گی تیش بولیمی شفاکاری صالحه نینگ ایتیشیچه: «ایرککلر و باله‌لر تشکیل بیرگن ۲۰ مینگ کسل، مراجعت قیلووچیلر کتابی گه ثبت بولگن؛ تیش بولیمی‌ده‌گی کسل‌لردن کوپینچهسی نینگ حامله عیال‌لر تشکیل بیرگن ایدی؛ سببی ایسه ویتامین‌سی، مولتی‌ویتامین و کلسیم کم‌لیگی دیر.»
بیزلرنینگ فیسبوک صحیفه‌میزگه باش اورینگ!
پروان و پنجشیر ساغلیق‌نی سقلش ریاست‌لری آرقه‌لی ارائه بولگن رقم‌لر اساسیده، سونگی بیر ییل‌ده ۳۵ مینگ کیشی تیشلری قیین‌چیلیگی نینگ دوالنیشی اوچون مذکور ایکی ولایت‌ده‌گی درمانی مرکزلر گه مراجعت قیلگنلر.
اوچ آی آلدین بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، افغانستان‌لیک ۹ میلیون ۵۰۰ مینگ یشاوچی نینگ درمانی خذمت‌لر گه قول تاپه آلمه‌گنلری مکان‌لرده حیات کیچیریشلری نی اعلام قیلگنی بیرحالده، پروان و پنجشیر ده عیال‌لردن قطاری، تیش کسل‌لیک‌لری بولیمی‌ده درمانی خذمت‌لر گه قول تاپه آلمسلیک‌دن شکایت قیلگنلر.