اسلام امیرلیگی صناعت و سوداگرلیک وزیرلیگی سرپرستی نورالدین عزیزی، بیر هیئت ییتکچیلیگی‌ده ایران گه سفر قیلیب و اوشبو مملکت نینگ سیستان و بلوچستان حاکمی سردارمحمد کرمی بیلن اوچره‌شگن.
اوشبو اوچره‌شووده، ایکّی تامانلمه سوداگرلیک ترقیاتی و افغانستان حصه‌سی کوپه‌یشی و چابهار بندری آرقه‌لی افغانستان توارلری انتقال بیریلیش مسئله‌لری بحث گه آلینگن.
بیزلرنینگ فیسبوک صحیفه‌میزگه باش اورینگ!
مذکور اوچره‌شووده صناعت و سوداگرلیک وزیرلیگی سرپرستی قیمت‌لر کمه‌یشی، چابهار یولی آرقه‌لی افغانستان نینگ ترانزیتی توارلری اوچون امتیازی یول تعیین‌لنیشی، سرک و تیمیر یولی امکانیتی و چابهار یولی‌ده ترانزیتی قرنطینه چیکلاولری حل بولیشی کبی آسایشته‌لیکلر نینگ نظر گه آلینیشی نی ایسته‌گن.
بو توغریده صناعت و سوداگرلیک وزیرلیگی سوزلاوچیسی عبدالسلام جواد آخوندازده نینگ ایتیشیچه: «چابهار یولی‌دن ترانزیت کوچلنیشی و ایکی مملکت آره‌سیده سوداگرلیک رواجلنیشی گه قول تاپیش اوچون ولایت‌ده تخنیکی قوشمه کمیته ایجاد بولیشی و مرکزی کمیته آرقه‌لی تعقیب بولیشی گه ایکی تامان کیلیشگن دیر.»
شونده‌ی بیرحالده، بیلرمانلر ایران بیلن سوداگرلیک و ترانزیت یخشی‌لنیشی نی افغانستان فایده‌سی گه بیلیب و افغانستان نینگ ایران بیلن اقتصادی علاقه‌لرده ایران صناعت ایشلب چیقریش علم-فنی‌نی مملکت گه اوتکزیش گه حرکت قیلیشی و شونینگدیک افغانستان نینگ چابهار یولی‌دن کوپراق قوللنیشی گه زمینه یره‌تیشی نی بویروغ بیرگن.
بیزلرنینگ «ایکس» ترماغی ده هم تعقیب قیلینگ!
بو توغریده اقتصادی مسئله‌لر بیلرمانی قیس محمدی نینگ سلام‌وطندار گه ایتیشیچه: «ایران گه بولگن بو سفرلردن مقصد بو که، ایران تامانی گه قناعت بیره آلسه‌ک که افغانستان بیلن سوداگرلیک علاقه‌سیده صادر قیلووچی صفتیده ایمس بلکیم سوداگرلیک بیر شرکت کبی رفتار قیلسه. یعنی افغانستان اولر اوچون بیر مارکیت دیر، افغانستان گه زمینه یره‌تسین که سرمایه یاتقیزیش نی انتقال بیرسه و سرمایه یاتقیزیش جریانیده افغانستان اهالی‌سیگه تولید قیلیش علمی انتقال تاپسین.»
ایتیش کیره‌ک که، ایران پاکستان یانیده سوداگرلیک بولیمی‌ده افغانستان اوچون اینگ اونملی مملکت‌لردن بولیب و شونینگدیک یقین‌ده اسلام امیرلیگی باش وزیری نینگ اقتصادی اورین باسری عبدالغنی برادر نینگ بو مملکت گه قیلگن سفریده، افغانستان نینگ چابهار یولی‌دن کوپراق قوللنیشی شامل ایکی مملکت آره‌سیده سوداگرلیک و ترانزیت کوچلنیشی بولیمی‌ده بیر قطار کیلیشوولر گه قول تاپگن ایدی.