ینگی‌لیکده روسیه‌نینگ باش قاره‌لاوچیلیک اداره‌سی بو مملکت عالی محکمه‌سیدن، روسیه‌نینگ تقیق‌لنگن گروه‌لری ریخطی‌دن اسلام امیرلیگی آتی چیقریلیشی‌نی ایسته‌گن که، بو اقدام‌نی اسلام امیرلیگی ایکی تامانلمه مناسبت‌لر مستحکم‌لنیشی توغریسیده ایجابی آدیم دیگن.
سرپرست حکومت سوزلاوچیسی ذبیح‌الله مجاهد، روسیه‌نینگ باش قاره‌لاوچیلیک اداره‌سی ایسته‌گی‌نی خوش قرشی‌لب و ایتیشیچه، بو مملکت‌نینگ تقیق‌لنگن گروه‌لری رویخطیدن اسلام امیرلیگی آتی چیقریلیشی، روسیه بیلن افغانستان‌نینگ سیاسی و اقتصادی مناسبت‌لری کوچه‌یشی‌گه سبب بوله‌دی. «بو ایجابی بیر آدیم دیر و ایکی مملکت گه فایده‌سی ییتیشه‌دی؛ چونکه بو آدیم روسیه و افغانستان اوچون مستحکم دیپلماتیک علاقه‌لر و یخشی‌راق اقتصادی مناسبتلرنی یولگه قوییش همده ایجابی همکارلیک اوچون یخشی امکانیت یره‌ته‌دی.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی و روسیه اورته‌سیده‌گی مناسبت‌لر افغانستان ده‌گی ایچکی اوروشلری‌دن بویان اوزگرووچین بولیب کیلگن. ۱۹۹۰-ییلده روسیه اسلام امیرلیگی‌نی منطقه‌ای امنیت اوچون بیر تهدید صفتیده کوره‌ر ایدی و ۲۰۰۱-ییل‌دن کیین بو مملکت افغانستان ده سیلنگن دولت‌لرنی قوللب-قوتله‌گن. ۲۰۲۱-ییلده ایسه افغانستان دن امریکا‌نینگ چیققنی‌دن کیین افغانستان برابریده روسیه سیاستی تغییر قیلیب و بو مملکت افغانستان سرپرست حکومتی بیلن اوز دیپلماتیک و اقتصادی مناسبت‌لرینی سقلش‌گه سعی‌وحرکت قیلگن.
خلق‌ارا رابطه‌لر و سیاسی مسئله‌لر بوییچه ایش بیلرمان‌لردن قطاری‌نینگ ایتیشلریچه، روسیه افغانستان‌نینگ حاضرگی حکومتی‌نی رسمیت‌گه تانیمه‌گنی بیلن، بیراق بو مملکت‌نینگ تقیق‌لنگن رویخطیدن اسلام امیرلیگی آتی چیقریلیشی روسیه و افغانستان اورته‌سیده‌گی مناسبتلرنی ینگی بیر باسقیچ‌گه آلیب باریشی ممکن.
سیاسی مسئله‌لر بیلرمانی نجیب‌الرحمان شمال‌نینگ ایتیشیچه: «روسیه منطقه‌ده اوز منفعت‌لری اوچون افغانستان سرپرست حکومتی بیلن مناسبت‌لرینی مستحکم‌لماقده؛ چونکه بو مناسبت نه فقط ایکی تامانلمه مناسبت‌لر مستحکم‌لنیشی گه سبب بوله‌دی، بلکیم مرکزی آسیا مملکت‌لری بیلن مناسبت‌لر مستحکم‌لنیشی و تینچ‌لیک کوچلنیشی‌گه زمینه یره‌ته‌دی.»
بیزلرنینگ فیسبوک صحیفه‌میزگه باش اورینگ!
خلق‌ارا رابطه‌لر بیلرمانی عزیز معارج‌نینگ ایشانچی‌گه کوره، روسیه افغانستان ده تاثیرینی کوچه‌یتیریش و منطقه‌ده امریکا بیلن متحدلری تاثیری‌نینگ کمه‌تیریش ایسته‌یدی. اونینگ کوپه‌یتیریشیچه: «روسیه منطقه‌یی منفعتی و غرب مملکت‌لری بیلن بولگن رقابتی سیاستی اساسیده، اسلام امیرلیگی بیلن مناسبت‌لرینی مستحکم‌لش‌گه قیزیققن، انه شوو سبب اسلام امیرلیگی‌گه بیر قطار امتیازلرنی قایل دیر جمله‌دن کابل ده اوز ایلچیخانه‌سی نی آچدی که بو اسلام امیرلیگی اوچون یخشی بیر فرصت دیر که دنیا قدرتی بیلن یقین‌راق مناسبت‌دن فایده‌لنسه؛ لیکن کوپ احتیاط قیلیش کیره‌ک چونکه غرب مملکت‌لر حساسیتی‌گه سبب بولمه‌سین.»
روسیه جمهور باشلیغی ولادیمیر پوتین، ۱۴۰۳-ییل ۸-جدی، بو مملکت‌نینگ تقیق‌لنگن گروه‌لری رویخطیدن ترورچی تشکیلات‌لر آتی‌نی وقتینچه چیقریش امکانی‌نینگ بیرووچی قانون‌نی امضا‌له‌گن. بو قانون اساسیده، روسیه‌نینگ قضایی نهاد‌لری، باش قاره‌لاوچی یا-ده اونینگ اورین‌باسری ایسته‌گی و محکمه قراری بیلن اسلام امیرلیگی آتی‌نی بو مملکت‌نینگ تقیق‌لنگن گروه‌لری رویخطیدن وقتینچه‌لیک شکلده چیقره آله‌دیلر.
