چین پایتختی بیجینگ ده افغانستان ایلچیسی صفتیده اسلام امیرلیگی سرپرست حکومتی سوزلاوچیسی نینگ سابق اورین‌باسری بلال کریمی نی قبول‌لنیشی بیلن بیرگه، اسلام امیرلیگی سوزلاوچیسی ذبیح‌الله مجاهد نینگ ایتیشیچه، اوشبو نماینده‌لیک نینگ تعیین‌لنیشی و چین بیلن تعامل، اسلام امیرلیگی نی رسمیت گه تانیش خصوصیده اونملی آدیم دیر. مجاهد نینگ سلام‌وطندار گه کوپه‌یتیریشیچه، افغانستان بیلن چین نینگ تعاملی، باشقه مملکت‌لر گه بو کبی اقدام‌لر آلیشلری خصوصیده بیر پیغام دیر.
اونینگ ایتیشیچه: «جناب کریمی اوتگن کون اوزی نینگ اعتماد‌نامه کاپی‌سی نی چین تشقی ایشلر وزیری گه تاپشیریب و ایش گه باشله‌گن. اونینگ باریشی، ایکی مملکت آره‌سیده یخشی نماینده‌لیک بوله‌دی. بوندن آلدیم اولر او ایلچی‌لری نی تعیین‌قیلگن ایدیلر، بو اسلام امیرلیگی نی رسمیت گه تانیش اوچون اونملی آدیم دیر. چین کبی اونملی مملکت آرقه‌لی رسمی تعامل صورت تاپیشی، باشقه مملکت‌لر گه بو کبی اقدام‌لر آلیشلری خصوصیده بیر پیغام دیر؛ بو توغریده دیپلماتیک علاقه‌لر نینگ تأمین قیلسینلر.»
بیزلرنینگ «ایکس» ترماغی ده هم تعقیب قیلینگ!
جین ده اسلام امیرلیگی سرپرست حکومتی نینگ بیرینچی ایلچیسی بلال کریمی، جاری ییل ۳-قوس مذکور مملکت گه سفر قیلدی و اوتگن کون، اسلام امیرلیگی سوزلاوچیسی بیر بیانیه ترقه‌تیش بیلن، اونینگ بیجینگ ده افغانستان ایلچیسی صفتیده قبول‌لنگنی‌دن خبر بیرگن.
چین تشقی ایشلر وزیرلیگی نینگ خاص تشریفات باشلیغی هونگ لی، اوتگن کون مذکور مملکت‌ده اسلام امیرلیگی ایلچیسی نینگ اعتماد‌نامه‌سی نی تسلیم آلیش پیتده، ایکی تامان علاقه‌لری رواجلنیشی خصوصیده اوشبو اقدام نی اونملی عنوان قیلگن. اونینگ کوپه‌یتیریشیچه، چین اقتصادی و آستقورمه لایحه‌لرده افغانستان گه «بیر یول و بیر کمربند» چهارچوبه‌سیده یاردم بیریش ایسته‌یدی.
شونینگدیک خلق‌ارا رابطه‌لر و سیاسی مسئله‌لر بیلرمانلری نینگ ایشانچ‌لری گه کوره، چین و افغانستان ایلچی‌لری نینگ قبول‌لنیشی، ایکی تامان فایده‌سی گه دیر و باشقه بیر تامان‌دن افغانستان نینگ سیاسی و اقتصادی قیین‌چیلیک‌لردن چیقیش اوچون یول آچیشی ممکن. سیاسی مسئله‌لر بیلرمانی محمدزلمی پوپل افغان‌یار نینگ ایتیشیچه، چین ده افغانستان ایلچیسی نینگ قبول‌لنیشی، باشقه مملکت‌لر نینگ منطقه و دنیا سیاسی ثباتی‌ده افغانستان رولی نی اونملی دیب حساب‌لش گه چقیره‌دی.
اونینگ کوپه‌یتیریشیچه: «دنیا نینگ بوتون مملکت‌لری نینگ علاقه قوریشلری اوزلری نی ملی فایده‌لری اساسیده دیر. چین صنعتی مملکت دیر و افغانستان نینگ کان‌لری و تاغ‌لریده بولگن نرسه‌لر اولر گه کیره‌ک بولگن نرسه‌لر دیر. افغانستان بو علاقه بیلن بیراز بیراز اقتصادی و سیاسی قیین‌چیلیک‌لردن چیقه آله‌دی، قوشنی مملکت‌لر هم بو نتیجه گه باریشلری کیره‌ک که، ثبات‌لی افغانستن کوپراق دنیا اینیقسه منطقه نینگ امنیتی تأمین‌لنیشی خصوصیده کوپراق ایجابی رولی بولیشی ممکن.»
بیزلرنینگ فیسبوک صحیفه‌میزگه باش اورینگ!
شونینگدیک بیلیم یورت اوقیتووچیسی و خلق‌ارا رابطه‌لر بیلرمانی عبدالقادر کمالی نینگ ایتیشیچه: «چین نی فکری افغانستان گه اقتصادی فکر دیر. چین‌لیک‌لر ظرفیت‌دن قوللنیب و افغانستان بیلن علاقه قوریش نی ایسته‌یدیلر که بو رقم افغانستان اقتصادی یخشی ظرفیت‌لریدن اوز فایده‌لری گه قوللنسه‌لر و ایلچیلر نینگ قبول‌لنیشی، افغانستان سوداگرلری اوچون هم یخشی ظرفیت‌لری بولیشی ممکن.»
اسلام امیرلیگی نینگ قدرت گه ایریشگنی‌دن کیین، چین سرپرست حکومت بیلن تعامل گه کیرگن بیر نیچه مملکت‌دن بولیب و اوتگن ایکی ییل‌ده، افغانستان بیلن اقتصادی رابطه قوریب و شونینگدیک ایکی آی آلدین مذکور ممکت‌ده جاو شینگ نی اوشبو مملکت ایلچیسی صفتیده تانیشتیرگن که اسلام امیرلیگی باش وزیرلیگی آرقه‌لی ایشانچ‌نامه‌سی نی قولگه کیلتیرگن.
