پاکستان رسمیلرینینگ ایتیشلریچه، اوشبو مملکتده یوز بیرگن موسومی یاغینگرچیلیکلر، ییر سیلجیشی و سوو تاشقینلر نتیجهسیده، کمیده ۱۹۴ کیشی اولگن.
پاکستان شاشلینچ وضعیتلرنی باشقریش تشکیلاتی بیر بیانیه آرقهلی یازیشیچه، مذکور کیشیلر اوتگن کون (۲۴-اسد، جمعه)، اولگنلر.
بیزلرنینگ «ایکس» ترماغی ده هم تعقیب قیلینگ!
پاکستان شاشلینچ وضعیتلرنی باشقریش تشکیلاتینینگ معلوماتی گه کوره، تلفاتدن کوپینچهسی ۱۸۰ کیشی بولیب و خیبر پشتونخواه ایالتیده ثبت بولگن. شونینگدیک بیش کیشی کلگت-بلتستان ده و باشقه توقیز کیشی ایسه کشمیر ده اولگنلر.
پاکستان دولتینینگ تصدیق قیلیشیچه، خیبر پشتونخواه ایالتیده حربی بیر تیک اوچر قوتقروو ماموریتینی بجرهیاتگن بیرحالده، هوانینگ بوزوقلیگی سبب قولب توشیب و اونینگ برچه بیش یولاووچیسی هلاک بولگن.
بیزلرنینگ فیسبوک صحیفهمیزگه باش اورینگ!
پاکستاننینگ هواشناسلیک ادارهسی، بو مملکتنینگ شمالغربی اوچون کوچلی یاغینگرچیلیکدن آگاهلنتیریب و اهالیدن، جبرلنهدیگن منطقهلرگه ضرور بولمهگنی صورتده بارمسلیکلرینی ایستهگن.
پاکستان ده ییللیک موسومی یاغینگرچیلیک فصلی، آسیا جنوبی یاغینگرچیلیکلرینینگ ۷۰ دن ۸۰ فایزینی تامین قیلهدی که دهقانلر اوچون مهم دیر؛ لیکن دایم کوپینچه زیان و آغیر تلفاتلرگه سبب بولهدی.
