هرات ده عیاللر آره‌سیده سرطان کسللیگی کوپه‌یگنی بیلن بیرگه، اوشبو ولایت حوزه‌ای کسل‌خانه‌سیده‌گی مسئوللر نینگ ایتیشلریچه، هرات ده «بچه‌دان سرطانی» اوتگن ییل گه نسبتاً ۳۰ فایز کوپه‌یگن.
هرات حوزه‌ای کسل‌خانه‌سی سرطان بولیمی مسئولی احمدفاروق صدیقی نینگ سلام‌وطندار گه ایتیشیچه، بچه‌دان سرطانی نی تشخیص قیلیش اوچون امکانیت آزلیگی بو کسل‌لیک نینگ کوپه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
صدیقی نینگ کوپه‌یتیریشیچه: «بو کسل‌لیک کوپه‌یگن؛ اوتگن بیر ییلی گه قره‌گنده هر ییل‌ده قریب ۳۰ فایز کوپه‌یه‌دی. قیغو بیلن سرطان واقعه‌لر سانی هر ییل کوپه‌یگن، هر ییل سرطان بولیمی‌ده مراجعت قیله‌دیگنلر سانی کوپ دیر.»
باشقه بیر تاماندن، سینگیلی بچه‌دان کسللیگی گه چلینگن سیمین نینگ ایتیشیچه: «سینگیلیم ۲۵ یاشر ایدی؛ کسل ایکن و سرطانی بار ایکن؛ سرطانی بارلیگی‌دن خبری‌میز یوق ایدی. خونریزی قیلدی، کیین شفاکار یانیگه آلیب باردیک؛ شفاکار سرطانی بار و کسل وضعیتی یامان دیدی. باشقه قولیمیزدن هیچ نرسه کیلمه‌یدی.»
عین حالده، هرات عامه ساغلیق ریاستی اورین‌باسری غلام‌محمد حنیفی نینگ ایتیشیچه، بعضا ناتوغری تشخیص و کیچیکیش، بیر قطار قیین‌چیلیک‌لر نی اورته گه کیلتیره‌دی؛ لیکن اونینگ حل قیلیش اوچون سعی‌وحرکت قیلماقده‌لر.
شونده‌ی بیرحالده، هرات ده بچه‌دان سرطانی بولیمی مخصوص شفاکارلری، بو کسل‌لیک تشخیص بولینیشی و دوالنیشی اوچون امکانیت یوقلیگی مذکور کسل‌لیک کوپه‌یشی و شونینگدیک سرطان طفیلی عیال‌لردن کوپ قطاری نینگ اولیمی گه سبب بوله‌دیگن اساسی عاملی بیله‌دیلر.
بیزلرنینگ «ایکس» ترماغی ده هم تعقیب قیلینگ!
هرات حوزه‌ای کسل‌خانه‌سی سرطان بولیمی شفاکاری سهیلا حیدری نینگ ایتیشیچه: «نمونه آلیش توغریسیده بولگن امکانیت‌لر اوچون حقیقتاً قیینچیلیگیمیز بار؛ تشخیص قیله‌دیگن بولیم یوق، معالجه بولیمی بار. رادیوتراپی صورت تاپمه‌یدی، قیغو بیلن افغانستان ده برچه سرطان‌لرده نمونه آلیش توغریسیده قیینچیلیگیمیز بار. سرطان نینگ هر نمونه‌سی یخشی بیر شکلده تشخیص بولمه‌یدی؛ حاضر رحم سرطانی نی تشخیص قیلیش اوچون امکانیت یوق.»
هرات ده ساغلیق‌نی سقلش مسئوللری اوشبو ولایت‌ده بچه‌دان سرطانی نینگ ۳۰ فایز کوپه‌یگنی نی ایتگنلری بیرحالده، اولر گه کوره، اوتگن ییل ۶۵۰۰دن آرتیق کسل بو ولایت‌ده ثبت بولگن که، بو معلومات هرات ده سونگی ییل‌لر سرطان گه چلینگن کسل‌لر سانی نینگ کوپه‌یگنی نی کورسته‌دی.
