هرات امنیتی مسئوللری نینگ ایتیش‌لریچه، مردمی کوچلردن ۱۲ ته‌سی مذکور ولایت نینگ غوریان تومنیده هلاک ایتیلگن.
هرات پولیسی سوزلاوچیسی عبدالاحد ولی‌زاده نینگ سلام‌وطندارگه ایتیشیچه، اوتگن کیچه (جمعه ۲۶- جدی) ساعت ۹ اطرافیده طالبان گروهی گه تیگیشلی قوراللی کیشیلر مردمی کوچلرنینگ بیر قرارگاهی گه کیریب و ۱۲ کیشی نی اوققه توتیب اولدیرگن.
جناب ولی زاده گه کوره، طالبان مذکور حربی‌لرنینگ اولدیرگندن کیین بو قرارگاه نینگ برچه قورال و حربی جهازلرینی اوزلری بیلن آلیب کیتگن. ولی زاده نینگ کوپه‌یتیریشیچه، بو حادثه نی تیکشیریش اوچون بیر هیأت تعیین و غوریان تومنی گه یوباریلگن.
غوریان تومنیدن محلی منبعلرنینگ ایتیش‌لریچه، اوچ کون آلدین طالبان نینگ اوچ نفوذی آدمی مردمی کوچلرنینگ صفیده قتنشگن ایکن. مذکور منبعلرگه کوره، اوشبو اوچ نفوذی کیشی اوتگن کیچه ایشداش‌لریدن ۱۲ ته‌سینی اوققه توتیب اولدیرگن.
طالبان حاضرگچه بو حقده فکر بیلدیرمه‌گن.
غوریان هرات نینگ ناتینچ تومن‌لریدن دیر. طالبان اوتگن کون جمعه هم بو تومن مرکزی گه هجوم قیلگن ایدی. اوشبو هجوم‌ده بو تومن پولیس قومندانی اوچ عسکری بیلن جان بیرگن ایدی.
