خلقارا ایش تشکیلاتی، جاری ییل دسمبر آییده ننگرهار و لغمان ولایتلریده، ۱۱۸ عیال و ایرککدن عبارت کیچیک و اورته تجارت ایگهلرینینگ ایش جایی خوفسیزلیگی، دستلبکی شاشلینچ یاردملری، عاجل وضعیتلرگه عکسالعمل بیلدیریش و ایشلاوچیلر سلامتلیگی بوییچه سیمینار کورگنینی معلوم قیلگن.
مذکور تشکیلاتنینگ بوگون (۲۴-قوس، دوشنبه)، اکس صحیفهسیده یازیشیچه، اوشبو تعلیمی دورهلر بیرلشگن ملتلر تشکیلاتینینگ مخصوص امانی صندیغی همکارلیگی بیلن اوتکزیلگن.
افغانستاننینگ بیر قطار بولیملریده حاضرگچه ایشلاوچیلرنینگ امنیتی وضعیتی یخشی بولمهی، ایش خوفسیزلیگی و سلامتلیگی ساحهسیده ییترلی سیمینارلر بولمهگنی، اولرنی جدی خوفلر آستیده قرار بیرگن.
ایشلاوچیلر همده کیچیک و اورته تجارت ایگهلریدن قطاری، حادثهلر آلدی آلینیشی، دستلبکی یاردملر و عاجل وضعیتلرگه عکسالعمل بیلدیریش حقیده بیلیم آزلیگی بیلن روپهرهلر.
