اسرائیل مدافعه وزیرلیگینینگ اعلام قیلیشیچه، حماس بیلن اوروش باشلنگنیدن حاضرگچه اوشبو مملکتنینگ بیر مینگ ۱۵۲ حربیسی هلاک بولگن.
«تایمز آف اسرائیل» کوندهلیگینینگ بوگون (۱۴-میزان، دوشنبه)، گزارش بیریشیچه، مذکور حربیلر ۲۰۲۳-ییل ۷-اکتبردن بویان هلاک بولگنلر.
اسرائیل مدافعه وزیرلیگی، اوشبو حربیلردن قطارینینگ نوار غزه، لبنان و کرانهی باختریده، اوروشلر جریانیده هلاک بولگنلرینی بیان قیلگن.
اسرائیل مدافعه وزیرلیگینینگ معلوماتی اساسیده، هلاک بولگن حربیلردن قریب ۴۲ فایزی ۲۱ یاشدن کیچیک بولیب، جبری حربی خذمتلرینینگ اوتکزهر ایکنلر.
حماس و اسرائیل آرهسیده اوروش ایکی ییل آلدین باشلهنیب و حاضرگچه دوام قیلماقده. ینگیلیکده امریکا جمهور باشلیغی دونالد ترامپ، غزه اوروشی یکونلنیشی اوچون ۲۱ مادهلیک بیر ریجهنی تقدیم قیلگن که بو ریجهنینگ بیر قطار بولیملری بیلن حماس کیلیشگن.
