سرپرست حکومت قاچقینلر وزیرلیگی، ۳۰-جدی، یک‌شنبه کونی بیر بیانیه ترقه‌تیب، ۱۱۱ ایچکی آواره عایلهنینگ کابل‌دن قندوز ولایتی‌گه انتقال بیریش پروسه‌سی باشلنگنی‌دن خبر بیرگن.
بیزلرنینگ «ایکس» ترماغی ده هم تعقیب قیلینگ!
قاچقینلر وزیرلیگی‌نینگ ایچکی آواره‌لر وضعیتی‌نی تیکشیریش بوییچه باشلیغی سردار شیرزاد‌نینگ ایتیشیچه: «اوشبو عایله‌لر کابل شهری‌ده حیات کیچیره‌دیگن ۵۰۰۰ ایچکی آواره عایله‌لردن دیر که نیچه مدت آلدین اولرنینگ بایومتریک پروسه‌سی یکونلنیب و قاچقینلر وزیرلیگی آرقه‌لی CCCM تخنیکی کمیته همکارلیگی بیلن کابل شهری‌دن قندوز ولایتی‌گه انتقال بیریله‌دی.»
قاچقینلر وزیرلیگی ایچکی آواره‌لر وضعیتی‌نی تیکشیریش بوییچه باشلیغی‌نینگ کوپه‌یتیریشیچه، مذکور عایله‌لردن هر بیری‌گه «CCCM» کمیته‌سی آرقه‌لی ۲۰۰ دالر بیریلگن و شونینگدیک اولر قندوز ولایتی‌‌ده اصلی محللریگه ییرلشگنلریدن کیین، همکار نهادلر تامانیدن باشقه بشری یاردم‌لر بیلن ۱۰۳۱ دالر قولگه کیلتیریشلری ممکن.
بیزلرنینگ فیسبوک صحیفه‌میزگه باش اورینگ!
سردار شیرزاد، اسلام امیرلیگی‌نینگ قیته قدرت گه ایریشگنی بیلن مملکت بویلب خوفسیزلیک تامین‌لنگنی‌‌گه اورغولب، بیر کونی برچه ایچکی آواره عایله‌لرنینگ اصلی محللریگه انتقال تاپیشلری خصوصیده امید‌وارلیک بیلدیرگن.
