فواید عامه وزیرلیگی سۉنگی بیر هفته دوامیده افغانستاننینگ تورلی تیمیر یوللری آرقهلی ۱۰۴ مینگ ۱۷۹ متریک تُن توار آلیش-بیریش بولگنینی معلوم قیلدی.
اوشبو وزیرلیک سۉزلاوچیسی محمداشرف حقشناس، ۷-میزان، دوشنبه کونی ایکس صحیفهسیده بیر بیانیه ترقهتیب، سۉنگی بیر هفته ایچیده (۲۸-سنبله دن ۳-میزان گه قدر) مملکتنینگ تورلی تیمیر یوللری آرقهلی اوشبو مقدار توار آلیش-بیریش بولگنینی یازگن.
بیانیه اساسیده، حیرتان بندری آرقهلی ۷۳ مینگ ۸۰ متریک تُن، آقینه بندری آرقهلی تورت مینگ ۵۲۷ تُن، تورغندی بندری آرقهلی ۱۶ مینگ ۷۷۴ تُن و خواف-هرات بندری آرقهلی توقیز مینگ ۷۹۸ تُن توار، آلیش-بیریش بولگن.
اوتگن بیر هفته ایچیده افغانستان تیمیر یوللری آرقهلی صادر قیلینگن ۱۹۳ تُن توارنینگ کوپ قسمینی قوروق میوه و انار سووی تشکیل بیرگنی ایتیلگن.
فواید عامه وزیرلیگیگه کوره، تیمیر یوللریدن صادرات و وارداتنینگ کوپهیگنی، کوپینچه ایش فرصتلری یرهتیلیشی، ملی درآمد کوپهیشی، اقتصادی برقرارلیک، رواجلنیش و خودکفالیک فرصتلری یرهتیلیشیگه سبب بولهدی.
