هراتده پلاستیک صناعتی اویوشمهسی، اوشبو ولایتده ۸ بوجی و پلاستیک ایشلب چیقرووچی کارخانه فعالیت یوریتماقدهلیگینی اعلان قیلدی.
هراتده پلاستیک صناعتی اویوشمهسی گه کوره، بو کارخانهلرده هر کونی ۱۰۰ تُن بوجی و پلاستیک ایشلب چیقریلهدی.
اوشبو کارخانهلرده ایشلب چیقریلگن توارلر، هرات و باشقه ولایتلرنینگ بازارلریگه ساتیلهدی.
هرات ولایتیده پلاستیک ایشلب چیقروچی کارخانهلردن بیرینینگ مسئولی محمدنعیم چمتو گه کوره، چیت ایلدن خودّی شوندهی توارلر کیلتیریلیشی آلدی آلینگن حالده، بو ولایتنینگ پلاستیک و بوجی ایشلب چیقروچی کارخانهلری افغانستان بازاریدهگی احتیاجنی حل قیله آلهدی.
باشقه تاماندن، هرات حاکمی سۉزلاوچیسی محمدیوسف سعیدی، بو ولایتده بوجی و پلاستیک ایشلب چیقریش بولیمیده، ۶۵ میلیون دالر سرمایه کیریتیلگنینی بیلدیرهدی.
