فراه امنیه قوماندانلیگی سوزلاوچیسی محمدنسیم بدری، فراه-غور یولیده بند قالگن ۱۰۰ یولاوچینینگ قوتقریلگنیدن خبر بیرگن.
اونینگ ایتیشیچه، اوشبو یولاوچیلر بوگون (۱۳-جدی، شنبه)، غرب زونیده الفاروق ۲۰۷ قول اردو کوچلری یاردمی بیلن قوتقریلگن.
بدریگه کوره، مذکور یولاوچیلر ایکی کون آلدین کوچلی قار یاغیش سبب پرچمن تومنینینگ سرخک و فرهنگی کوتللریده بند قالگنلر.
فراه امنیه قوماندانلیگی سوزلاوچیسینینگ کوپهیتیریشیچه، بند قالگن اوشبو یولاوچیلردن بیری یرهلنگن.
فراه ولایتی پرچمن تومنی و غور ولایتی تیوره تومنی آرهسیده جایلشگن سرخک و فرهنگی، اوتیش قیین بولگن کوتللردن بولیب، هر ییل قار یاغیشی بیلن یولاوچیلرنینگ اوتیب-قیتیشی قیینچیلیک بیلن روپهره بولهدی.
