لبنان ده خوفسیزلیک منبعلرنینگ اعلام قیلیشیچه، اسرائیل آرقهلی بو مملکتگه اویوشتیریلگن هجوملر نتیجهسیده، کمیده ۱۰ کیشی اولیب و بیش کیشی یرهلنگن.
رویترز آژانسینینگ بوگون (۲۱-فبروری/ ۲-حوت، شنبه)، گزارش بیریشیچه، مذکور کیشیلر اوتگن کونی اسرائیل اردوسینینگ لبنان شرقیده جایلشگن «بقاع درهسی» گه اویوشتیرگن هجوملرده اولیب و یرهلنگن.
گزارشلر اساسیده، بقاع درهسیگه اسرائیل هجوملری نتیجهسیده قربان بولگنلر آرهسیده حزبالله لبناننینگ بیر اعضاسی هم شامل دیر. اسرائیل اردوسی بیر بیانیه آرقهلی اعلام قیلیشیچه، لبنان شرقیده حزباللهنینگ قوماندانلیک مرکزیلرینی نشانگه آلگن.
لبنان گه جمعه کونی اویوشتیریلگن هجوملر، بو مملکت و حزبالله آرهسیده آتیش کیسین برقرار بولگنیدن کیین اسرائیلنینگ اینگ هلاکتلی هجوملری دییلگن.
بو بیلن بیرگه، اسرائیل و حزبالله لبنان ۲۰۲۴-ییل نومبر آییده، بیر ییل توقنشوودن کیین امریکا واسطهچیلیگی بیلن آتیش کیسین گه کیلیشگنلر؛ لیکن اوتگن بیر ییلده لبنان گه اسرائیل هجوملرینینگ دوامی بار.
