بدخشان محلی مسوول‌لری نینگ ایتیش‌لریچه، اوتگن کونی سراچه بیر موترنینگ بهارک-فیض‌آباد قتناو یولیده کوکچه دینگیزیده توشیب کیتگنی نتیجه‌سیده، ۶ کیشی جان بیرگن.
بهارک ولسوالی نورآقا نادری نینگ ایتیشیچه، بو واقعه‌ده موتر هیداوچی‌سی شامل بیر عایله نینگ ۵ عضوی هلاک بولگن. مذکور واقعه‌ده قربان بولگن‌لرنینگ ۳ ته‌سی ایرکک و باشقه ۳ ته‌سی عیال دیر. جناب نادری نینگ کوپه‌یتیریشیچه، اوشبو موتر جرم تومنیدن فیض‌آباد تامان باره‌دیگن بیرچاغده، بو واقعه یوز بیرگن.
اونینگ ایتیشیچه، حاضرگه‌قدر هلاک ایتیلگنلردن ۴ ته‌سی نینگ جسدی بلدیه ایشلاوچی‌لری و امنیتی کوچلر تامانیدن دینگیزدن چیقاریلگن و باشقه ۲ جسد درک‌سیز یوقالگن.
بدخشان محلی مسئول‌لری، قتناو یوللرنینگ کیچیک‌لیگی نی بو واقعه گه عامل عنوان قیلگنلر.
