ناروی نینگ کابل ده‌گی ایلچیسی گه کوره، افغانستان ده زوروانلیک رقمی آرتگنی، تینچلیک مذاکره‌سی اوستی گه منفی تأثیر تشله‌یدی.
ناروی نینگ کابل ده‌گی بویوک ایلچیسی اولی اندرس لیندمن بوگون (پنجشنبه، ۲۷- قوس) تینچلیک مذاکره‌سی روندیده عیال‌لر مشارکتی آتی ده اوتکزیلگن برنامه ده صحبت قیلیب ایتیشیچه، طالبان گروهی زوروانلیک رقمی نی کوپه‌ی تیریب افغانستان حکومتی و دنیا جماعه‌چیلیگی دن کوپینچه امتیاز آلیش نی ایسته‌یدی.
جناب اولی اندرس لیندمن گه کوره، تینچلیک مذاکره‌سیده عیال‌لر مشارکتی اونملی بولگن و تینچلیک مذاکره‌سی نینگ مدیریتی افغان‌لرگه تاپشیریلیشی لازم.
عین‌حالده جناب اندرس لیندمن، ملی مصالحه کینگشی دن عیال‌لرگه سهم بیریش بیریشی نی سوره‌گن.
جناب لیندمن نینگ ایتیشیچه، بیرلشگن ملتلر تشکیلاتی تامانیدن ترقه‌تیلگن گزارش گه کوره افغانستان نینگ ۱۸.۴ میلیون یشاوچی‌سی انسان سیورلیک یاردم گه احتیاجی بار و عین‌حالده ناروی اولکه‌سی تینچلیک مذاکره‌سی ناروی اوتکزیلیشی نی سوره‌گن.
ناروی نینگ کابل ده‌گی بویوک ایلچیسی کوپه‌ی تیریشیچه، افغانستان ده آتیش کیسین اعلام ایتیلیشی، تینچلیک مذاکره‌سی اوستی گه مثبت تأثیر قویه‌دی و آتیش کیسین اعلان ایتیلیش نی قبول قیلمس‌لیک اوچون هیچ قندی دلیل بولمه‌گن.
اوتگن کونی (چهار‌شنبه، ۲۶-قوس) توشدن کیین آمریکا قوشمه ایالت‌لری نینگ ملی اردو باش قوماندانی مارک میلی جمهور رئیس محمد اشرف غنی بیلن جمهورلیک ریاستی ده اوچره‌شگن.
اوشبو اوچرشوده ایکی تامان تینچلیک مذاکره‌سی روندی، زوروانلیک‌لر رقمی کوزگه کورینرلی شکلده آزه‌یشی و آتیش کیسین اعلام ایتیلیشی اوستیده تأکید ایتگنلر.
