معاون نخست‌وزیر اوزبیکستان وارد کابل شد

جمشید خواجه‌یف، معاون نخست‌وزیر اوزبیکستان، در رأس هیئتی متشکل از مقام‌های دولتی و نمایندگان سکتور خصوصی این کشور، امروز (شنبه، ۳ اسد) وارد کابل شد.

وزارت صنعت و تجارت امارت اسلامی، در خبرنامه‌ای اعلام کرده که هدف از این سفر، دیدار و گفت‌وگو با مقام‌های امارت اسلامی و نمایندگان سکتور خصوصی افغانستان است.

بر اساس خبرنامه، هیئت اوزبیکستان هم‌چنان در «فورم تجاری» افغانستان و اوزبیکستان شرکت خواهد کرد.