اوکراین جمهور باشلیغی ولودیمیر زلنسکینینگ ایتیشیچه، امریکا حمایتی بولمسدن روسیه هجوملریدن مملکتینینگ امان قالیش امکانیتی کمراق دیر.
رویترز آژانسینینگ گزارش بیریشیچه، زلنسکی بو موضوعنی اوتگن کون (۲۶-دلو/ ۱۴-فبروری، جمعه)، امریکا جمهور باشلیغی دونالد ترامپ بیلن تلفونی علاقه قورگنیدن کیین بیان قیلیب و امریکا حمایتی بولمسدن روسیه بیلن قرشی کورهشنینگ اوکراین اوچون جودهیم قیین بولیشینی بیان قیلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «کوپ قیین بولیشی ممکن؛ البته برچه قیین وضعیتلرده سیزده امکانیت بار؛ لیکن بو اوروشدن امان قالیش اوچون بیزده کم امکانیت بار.»
اوکراین جمهور باشلیغی، روسیه تامانیدن ینگی هجوملر آلدی آلینیشی اوچون اوکرایننینگ ناتو اعضالیگی یا-ده اونگه تینگلشتیریلگن خوفسیزلیک کفالتلرنی قولگه کیلتیریشی کیرهکلیگیگه تاکید قیلگن.
بیزلرنینگ فیسبوک صحیفهمیزگه باش اورینگ!
اوتگن هفته امریکا جمهور باشلیغی، روسیه جمهور باشلیغی ولادیمیر پوتین و اوکراین جمهور باشلیغی ولودیمیر زلنسکی بیلن، اوکراین ده اوروشلر یکونلنیشی حقیده گپلشگنینی اعلام قیلگن ایدی.
