زابل محلی مسوول‌لری نینگ ایتیش‌لریچه، اوشبو ولایتده امنیتی بیر پوسته طالبان قولیگه سقوط قیلیب و عملیاتی کندک ارکان رئیسی شامل ایکی حربی هلاک ایتیلگن.
زابل ولایتی کینگش باشلیغی عطاجان حق‌بیان نینگ سلام‌وطندارگه ایتیشیچه، طالبان جنگریلری اوتگن کیچه اوشبو ولایت مرکزی قلات شهریده بیرقطار امنیتی کمربندلر اوستیگه هجوم قیلگن‌لر.
جناب حق‌بیان نینگ کوپه‌یتیریشیچه، طالبان نینگ هجومی نتیجه‌سیده زابل عملیاتی کندکی نینگ ارکان رئیسی محمدنسیم توخی بیر قوروقچیسی بیلن هلاک و باشقه ۳ پولیس یره‌لنگن.
عین‌حالده، باشقه بیرمنبع نینگ سلام‌وطندارگه ایتیشیچه، طالبان نینگ هجومی نتیجه‌سیده، امنیتی بیر پوسته سقوط قیلگن.
زابل ولایتی کینگش باشلیغی نینگ ایتیشیچه، اوشبو شهرده امنیتی وضعیت خواطرلنترووچی دیر. اونینگ ایتیشیچه، زابل امنیتی وضعیتی‌گه دقت بولمه‌گن صورتده، اوشبو ولایت نینگ طالبان قولیگه سقوط قیلیب و کته فاجعه یوز بیریشی ممکن.
بیراق، زابل امنیتی مسوول‌لری اوشبو ولایت خوفسیزلیگی‌نی تامین‌لشدن ایشانچ بیرگنلر.
طالبان گروهی حاضرگه‌قدر بوتوغریده فکر بیلدیرمه‌گن.