گللر نه فقط اطراف-محیط‌گه گوزه‌للیک یره‌ته‌دی؛ بلکیم سیوگی، دوست‌لیک و امید رمزی دیر. شونده‌ی بیرحالده، یاشلردن قطاری گل‌لرنی سقلش و اولرنینگ یوقالیشی آلدی آلینیشی مقصد، داوطلب شکلده فعالیت قیلماقده‌لر و فعالیت‌لری سببی نی ایسه گللرنینگ انسان روحی و فکری‌گه ایجابی تاثیری عنوان قیله‌دیلر.
بو بولیم‌ده ییل‌لردن بویان فعالیت قیله‌دیگن کابل یشاوچیسی بولمیش ۲۳ یاشر لطف‌الله‌نینگ ایتیشیچه، تورلی‌خیل گل‌لرنی سقلب و یوقالیش خوفی آستیده کوپراق قرار تاپگن گل‌لرگه ایسه کوپراق توجه قیله‌دی. «طبیعت‌ده گللر سانی کوپ؛ گل‌برگ، بیر، قاغازی، جیری بن و مرسل. گل‌لردن برچه‌سی‌نی سقله‌یمیز، لیکن کاج مطبق یا-ده سرب، قاغازی و بیر گل‌لری گه کوپراق توجه قیله‌‌میز، چونکه اولرنینگ اوزی‌گه خاص بیر دیزاینی بار.»
بیزلرنینگ «ایکس» ترماغی ده هم تعقیب قیلینگ!
لطف‌الله‌نینگ کوپه‌یتیریشیچه، گل‌لرنی سقلش اوچون تورلی‌خیل یوللرنی نظرگه توتگن. «گل‌لرنی سقلش اوچون نیچه‌خیل یول‌نی نظرگه آلگن‌مین. گلخانه قوره‌من. خیشاوه قیله‌من. نیچه تور کود‌دن فایده‌لنه‌من. سویوق، حیوانی و قاره کود‌دن فایده‌لنه‌من. قاره کود رشد قیلیشی و سویوق کود ایسه تنه‌سی و رشد قیلیشی اوچون فایده‌لنیله‌دی و دارو‌لردن هم کسل‌لیکلر آلدی آلینشی اوچون فایده‌لنه‌میز.»
۱۰ ییل‌دن بیری گل ییتیشتیره‌دیگن یاشلردن باشقه بیری فرهاد گه کوره، گللرنینگ طبیعت‌ده‌گی بولگن ایجابی تاثیری مقصد، سقله‌یدی. «فرزند گه هر قنده‌ی توجه قیلینسه، اوشنچه گل گه توجه بولیشی کیره‌ک. گل اطراف-محیط گوزه‌لیگی اوچون جوده‌یم ایجابی تاثیر گه ایگه دیر؛ بیر کوچت ۱۴۰ کیشی‌گه آکسیجن تولید قیله‌دی.»
یوقالیش خوفی آستیده قرار تاپگن گللر توغریسیده یاشلر‌نینگ کوپراق توجه قره‌تگنی بیرحالده، ایکینچیلیک ایش بیلرمان‌لری‌نینگ ایشانچی گه کوره، گل‌لردن درست شکلده فایده‌لنمسلیک و اهالی‌نینگ قیزیقیشی کمه‌یگنی، گل‌لردن قطاری‌نینگ یوقالیشی‌گه سبب بولگن.
بو توغریده ایکینچیلیک ایش بیلرمانلردن احمدزبیر قاضی‌زاده‌نینگ ایتیشیچه: «گللرنینگ یوقالیشی سببی ایسه، گللر توغریسیده اهالی قیزیقیشی کمه‌یشی دیه آله‌میز، بیر کیشی اقتصادی قیین‌چیلیک کبی تورلی‌خیل سبب‌لر اوچون آله دیگن گل توغریسیده قیزیقیشی کمه‌یب و باشقه بیر گل ساتیب آله‌دی که انه شوو سبب او گل بازاری آهسته آهسته کمه‌یه‌دی.»
شونینگدیک ایکینچیلیک ایش بیلرمانلردن باشقه بیری مرشید نوری‌گه کوره: «بولگن تدقیقات‌لر اساسیده، مملکت‌نینگ تورلی بولیم‌لریده گل ایکیلگن ییرلردن ۶۰-۷۰ فایزی اورته‌دن کیتگن یا-ده زیان کورگن. ایته آله‌میز که حاضرگچه تانیلمه‌گن و نسلی جوده‌یم از بولگن گللر، محل یشاوچیلری و دولت‌نینگ بیر پلانی یوقلیگی باعث یوقالیش خوفی آستیده قرار تاپگن و شونینگدیک بیر منطقه‌گی اهالی، بیر گل‌نی تانیب و اوندن درست شکلده فایده‌لنمه‌یدی که بو او گل‌نینگ نسلی اورته‌دن کیشی‌گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اطراف-محیط بوییچه ایش بیلرمان حبیب‌الله طاهری، اقلیم اوزگریشلری، سوو کم‌لیگی و اوسیم‌لیک آفت‌لرینی، گللرنینگ اورته‌دن کیتیشی سببی عنوان قیلیب و ایتیشیچه: «اطراف-محیط‌نی سقلش ملی اداره‌سی ۳۴ ولایتده اطراف-محیط بوییچه تدقیقاتی فارم‌لرنی آچماقچین که حاضرگچه غزنی و بلخ ولایت‌لریده بو فارم‌لر ایشی قولگه آلینگن. اوشبو فارم‌لر آرقه‌لی تورلی‌خیل گللر و اوسیملیکلر ییتیشتیریلب، اهالی بیلن دهقان اختیاری‌گه قرار بیریله‌دی. بو ایش‌دن مقصد، بیر ولایت‌ده‌گی خاص اوسیم‌لیک و گل‌لرنی سقلش و اولرنینگ اورته‌دن کیتیشی آلدی آلینیشی دیر.»
۲۰۲۱-ییل‌ده اروپا ده بیر قطار بیلیم انسان‌لر آرقه‌لی بولگن تدقیقات اساسیده، اقلیم اوزگریشلری و حرارت درجه‌سی آشیشی گللر و اوسیملیکلر گه نسبت یامان تاثیری بولیب، اوسیم‌لیکلردن کوپ قطاری هوا اوزگریشی طفیلی یوقالیش خوفی آستیده قرار تاپگن.
