مملکت تشقی ایشلر وزیرلیگی رسمی‌لری، افغانستان ده جاپان سابق ایلچیسی نینگ ماموریتی یکونلنیب و ینگی ایلچی تانیشتیریلگنیدن خبر بیرگنلر.
اسلام امیرلیگی تشقی ایشلر وزیرلیگی نینگ سوزلاوچیسی عبدالقهار بلخی شنبه کونی، ۲۲ میزان، اوز ایکس (تویتری) ده، افغانستان ده جاپان سابق ایلچیسی تاکاشی اوکادا، تشقی ایشلر وزیرلیگی نینگ سرپرستی امیرخان متقی بیلن اوچره‌شووده، افغانستان ده ماموریتی یکونلنیب و اورنیده تاکیوشی کورامایا ایتیب تعینلنگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
عبدالقهار بلخی گه کوره، اوشبو اوچره‌شووده جاپان سابق ایلچیسی اسلام امیرلیگی حاکمیتیده ماموریتی یوتوق‌لری گه اشاره قیلیب، افغانستان و جاپان مناسبت‌لری مستحکم‌لنیشی اوستیگه تاکید ایتگن.
او نینگ کوپه‌یتیریشیچه، مذکور اوچره‌شووده امیرخان متقی تاکاشی اوکادا نینگ ایشلری دن منتدارلیک بیلدیریب و افغانستان اوچون جاپان نینگ ینگی ایلچیسی گه اوستون‌لیک طلب قیلیب، افغانستان و جاپان مناسبت‌لری مستحکم‌لنیشی اوستیگه تاکید ایتگن.
شونینگدیک او، سونگی ایکی ییل ده اسلام امیرلیگی نینگ یوتوق‌لری جمله دن خوفسیزلیک، بنگی‌وار ماده‌لر و اداری فساد گه قرشی کوره‌ش باره‌سیده اشاره قیلگن.
بیزلرنینگ «ایکس» ترماغی ده هم تعقیب قیلینگ!
عینی‌حالده، جاپان نینگ ینگی ایلچیسی تاکیوشی کورامایا، ایکی مملکت نینگ همکارلیگی کوچه‌لیشی گه اشاره قیلیش گه قوشیمچه، اوتمیش گه نسبتن ایکی مملکت مناسبت‌لری مستحکم‌لنیشی اوچون سعی‌وحرکت قیلیشیدن ایشانچ بیرگن.
مملکت تشقی ایشلر وزیرلیگی اوچره‌شوو یکونیده، جاپان نینگ افغانستان خلقی اینیقسه هرات ده زلزله باعث زیان کورگنلر گه کورستگن یاردم‌لریدن منتدارلیک بیلدیریب، اوشبو مملکت نینگ ینگی ایلچیسی افغانستان و جاپان مناسبت‌لری مستحکم‌لنیشی اوچون یخشی رول اونیش گه امید بیلدیرگن.
