اسلام امیرلیگی سوزلاوچیسی ذبیح‌الله مجاهد، دوشنبه کیچه، ۶ سنبله، اوز توییتری ده، قطار ولایت‌لر ده ینگی حاکم‌لر تعینلنگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد نینگ یازیشیچه، اسلام امیرلیگی رهبری هبت‌الله آخوندزاده نینگ بویروغی اساسیده، پروان سابق حاکمی عبیدالله امین‌زاده تخار حاکمی، لوگر سابق حاکمی عبدالعلی قدرت‌الله پروان حاکمی صفتیده ایتیب تعینلنگن.
شونینگدیک، تخار سابق حاکمی ضیاءالرحمان مدنی لوگر حاکمی، کنر سابق حاکمی محمدعثمان کاپیسا امنیه قوماندانی اوله‌راق ایتیب تعینلنگن.
بیزلرنینگ توییترده هم تعقیب قیلینگ!
مجاهد نینگ کوپه‌یتیریشیچه، ینگی تعیینات اساسیده، جوزجان سابق امنیه قوماندانی ملا سراج‌الدین فاریاب امنیه قوماندانی، قندوز عالم‌لر کینگشی سابق باشلیغی صنیع‌الله فرهمند قندوز زونی حربی محکمه باشلیغی و قندوز زونی حربی محکمه سابق سرپرستی عبدالوارث بلخ زونی حربی محکمه باشلیغی اوله‌راق ایتیب تعینلنگنلر.