غورنینگ قوروق تاغلریگه، ییللردن بیری بو ولایتنینگ طبیعتیده «یامه» یا-ده «افدارا» آتیده دایم یشیل بولگن و کوچلی بیر اوسیملیک چیقهدی که بو اوسیملیک غور یشاوچیلری اوچون نه فقط قتیق قیشلرده یاقیلغی ماده صفتیده بیر منبع، بلکیم عنعنوی طبیاتده هم اونملی بیر دارو حسابلنهدی. لیکن غور یشاوچیلریدن قطارینینگ ایتیشیچه، شیشه تورلی بنگیوار مادهنینگ توزهتیلیشی اوچون تاغلردن حددن تشقری ییغیلهدیگن اوشبو اوسیملیک، تیز بیر شکلده یوقالماقده.
بو توغریده غور یشاوچیلریدن بیری عبداللهنینگ ایتیشیچه: «کیچیکلیگیمده بو اوسیملیکنی یاقیلغی ماده صفتیده فایدهلنهر ایدیلر؛ حاضر ایسه بونی ییغهدیگن کیشیلر اوندن بیر تورلی ماده توزتهدیلر. یامهنی ساتیب آلهدیلر و اون قیلهدیلر و اوندن ایف آتیده بیر تورلی بنگیوار مادهنی توزتهدیلر.»
شونینگدیک غور یشاوچیلریدن باشقه بیری زکریانینگ ایتیشیچه: «یامهدن بنگیوار ماده توزتهدیلر. ایف دیهدیلر، مین اونچه بیلمهیمن. شو اوچون تاغلرده کمهیگن و بیر قطار کیشی ناقانونی شکلده ییغهدی و ایشخانهلریگه آلیب کیتهدیلر و بنگیوار ماده توزتهدیلر. اولرنینگ آلدی آلینیشی کیرهک که یشش محیطگه زیان ییتیشمهسین.»
بیزلرنینگ فیسبوک صحیفهمیزگه باش اورینگ!
غور ده ایکینچیلیک ایش بیلرمانلرینینگ سلاموطندار بیلن اوتکزگنلری صحبتلرده ایتیشلریچه، یامه اوسیملیگی اکسیژن ایشلب چیقریشگه علاوه، اقلیم اوزگریشلرینینگ برابرلشتیریش، ییر آستی سوولرنی ذخیره قیلیش، سوو تاشقینلرنینگ آلدینی آلیش و باشقه طبیعی واقعهلر همده توپراقنینگ خراب بولیشی آلدینی آلیش توغریسیده اساسی رول اوینهیدی.
غور ده ایکینچیلیک ایش بیلرمانی عبدالظاهر توانانینگ ایتیشیچه: «یامه اوسیملیگی، اقلیم اوزگریشیده اساسی رول اوینهیدی؛ چونکه ییر آستی سوولرنی کوچلنتیرهدی و توپراق خراب بولیشی آلدینی آلهدی، سوو تاشقینلرنی کنترول قیلهدی و طبیعی حادثهلر خوفینی کمهیترهدی. مذکور اوسیملیک آلتی آی استراحتده بولگن درختلر و سبز بولمهگن منطقهلرده، اکسیژن تولید قیلیشده اساسی رول اوینهیدی؛ انه شوو سبب بو اوسیملیکنی سقلش و اورتهدن کیتیشینینگ آلدینی آلیش، طبیعت توزومینینگ اساسی بیر بولیمی دییلهدی.»
جناب توانانینگ اورغولشیچه، یامه اوسیملیگینی حددن تشقری ییغیش، نه فقط ایکینچیلیک ییرلرنینگ حاصل بیریشی کمهیشیگه سبب بولهدی، بلکیم اکولوژیکی برابرلیگینی هم جدی قیینچیلیک بیلن روپهره قیلهدی. اونینگ آگاهلنتیریشیچه، اوشبو اوسیملیکنینگ سقلنیشی و برقرار شکلده مدیریت بولینیشی اوچون اقدام بولمهگنی صورتده، یامهنینگ بوتونلی اورتهدن کیتیشی همده یشش محیط و محل یشاوچیلر حیاتیگه جبران بولمهگن عاقبتلرگه سبب بولیشی ممکن.
باشقه بیر تاماندن، غور یشش محیطنی سقلش ریاستیده مسئوللر، بنگیوار مادهلر تولید بولیشی اوچون مذکور اوسیملیکنینگ ییغلیشی توغریسیده جدی بیر شکلده خواطر بیلدیرگنلر. اولرنینگ ایتیشلریچه، یامه توپراقنینگ خراب بولمسلیگی، ییر رطوبتینی سقلش و چول گه اَیلنیشنینگ آلدینی آلیشده اونملی دیر.
بو توغریده غور یشش محیطنی سقلش ریاستینینگ عامه آگاهیلیک و اطلاعات عمومی مدیری عبدالقدوس هدایتگه کوره: «غور یشش محیط ادارهسی بو ولایت طبیعتینینگ کیلهجگیدن جدی بیر شکلده خواطرلنگن. اوسیملیکلر کمهیشی، توپراق خراب بولیشی کوپهیشی، کیتمه-کیت قوروقچیلیکلر و یامه کبی بومی اوسیملیکلر اورتهدن کیتیشی، غور طبیعتی نی چول گه اَیلنیش جدی خوفی، سوو منبعلری کمهیشی و چاروهچیلیک بحرانی بیلن روپهره قیلهدی.»
شوندهی بیرحالده، غور ایکینچیلیک، سووغاریش و چاروهچیلیک ریاستیده مسئوللرنینگ ایتیشلریچه، سونگی ییللر کینگ شکلده ایشسیزلیک و قشاقلیک سبب، اهالی آرقهلی یامه اوسیملیگیدن ۸۰ فایزی تاغلر و دشتلردن ییغیلگن که بو ایش مذکور ولایتنینگ طبیعی منبعلریگه جدی زیان ییتیشتیرگن.
بیزلرنینگ «ایکس» ترماغی ده هم تعقیب قیلینگ!
غور ایکینچیلیک، سووغاریش و چاروهچیلیک ریاستینینگ عامه آگاهیلیک و اطلاعات مدیری ضیاءالحق جویانینگ ایتیشیچه: «مذکور ولایت مرکزی و تومنلریدهگی تاغلی ساحهلریدن یامه تورلی اوسیملیکنینگ قریب ۸۰-۸۵ فایزی ییغیلیب و اورتهدن کیتگن. یامه اوسیملیگینینگ اورتهدن کیتیشی طبیعتده اوسیملیک اورتهدن کیتیشی و توپراقنینگ خراب بولیشی عامللریدن بیری بولهدی. حقیقتا، کوپ خوفلی بیر تخریب و یشش محیط حیاتیده بیر تهدید حسابلنهدی. اهالینینگ قشاقلیگی، ایشسیزلیگی و آگاهیسیزلیگی، اساسی فکتورلردن دیر.»
غور یشش محیط و ایکینچیلیک ریاستلریده مسئوللرنینگ ایتیشلریچه، اوسیملیکلرنی سقلش و یامه اوسیملیگی اورتهدن کیتیشینینگ آلدینی آلیش مقصد، مسجدلر منبرلری، دولتی نهادلر، یشش محیطنی سقلش کمیتهلری و طبیعی منبعلر و شونینگدیک خوفسیزلیک کوچلرینینگ همکارلیگی بیلن، اهالی آرهسیده ییترلی آگاهیلیکنی ییتیشتیریش اوچون سعیوحرکت قیلگنلر.
اولرنینگ آگاهلنتیریشیچه، مذکور اوسیمنینگ حددن تشقری ییغیلیشی دوام قیلگنی صورتده، غور طبیعتیدن نه فقط یامه بوتونلی اورتهدن کیتهدی، بلکیم چول گه اَیلنیش، توپراقنینگ خراب بولیش و یشش محیط بحرانلری خوفی، بو ولایتدهگی مینگلب یشاوچینینگ حیاتینی تهدید قیلیشی ممکن.
