خوست ده محلی مسئوللرنینگ ایتیشلریچه، اوشبو ولایت علیشیر تومنیده بیر عایلهنینگ ۱۰ اعضاسی اولدیریلگنیگه تیگیشلی ایکی کیشی قولگه آلینگن.
خوست حاکمی سوزلاوچیسی مستغفر گربزنینگ سلاموطندار گه ایتیشیچه، شبههلی کوریلگن مذکور ایکی کیشی بوگون ایرتهلب (۱۰-دلو، چهارشنبه)، قولگه آلینگن.
بیزلرنینگ «ایکس» ترماغی ده هم تعقیب قیلینگ!
خوست حاکمی سوزلاوچیسینینگ کوپهیتیریشیچه، گمان بولگن کیشیلر حقیده تیکشیروولر دوام قیلماقده و کیین ایسه عدلی و قضایی نهادلر گه تاپشیریلهدی.
مستغفر گربزنینگ اورغولشیچه، دستلبکی معلومات اساسیده بو واقعه شخصی دشمنلیک نتیجهسیده یوز بیرگن.
بیزلرنینگ فیسبوک صحیفهمیزگه باش اورینگ!
بوندن آلدین خوست ولایت مقامی ییتکرمهلر گه بیر بیانیه یوللش بیلن، ۹-دلو، سهشنبه کیچه، ساعت ۰۹:۰۰ اطرافیده علیشیر تومنی «ابوخانه» منطقهسیده بیر عایلهنینگ ۱۰ اعضاسی آتیب اولدیریلگنیدن خبر بیرگن.
اولگنلر آرهسیده بالهلر و عیاللر شامل دیر. محلی مسئوللرگه کوره، خوفسیزلیک کوچلری بو واقعه گه تیگیشلی تدقیقاتلرینی باشلهگنلر.