افغانستان جنوب‌شرقی‌ده جایلشگن خوست ولایتی، ایسیق و یریم قوروق اقلیم‌گه ایگه بولیب و بو ولایت‌ده سوو منبع‌لری کوپراق دریا‌لر و طبیعی بولاقلردن تامین‌لنه‌دی.
خوست ده ایکینچیلیک ییرلر، کوپراق بوغدای، ارپه و سبزه‌وات کبی ایکینچیلیک محصوللری اوچون فایده‌لنه‌دی؛ لیکن رحمت‌ولی هندوستان دن یشیل چای بته‌لرینی کیلتیریب و تنی تومنی‌گه ایککن بو ولایتده‌گی یاش دهقان دیر.
یشیل چای ییللردن بویان افغانستان یشاوچیلری آره‌سیده سیویملی ایچیملیک‌لردن بیری‌گه اوزگرگن؛ بیراق بیرینچی مرته مملکت اقتصادی رواجلنیشی مقصد بیر یاش اونینگ ایکیش‌گه اقدام قیلگن.
بیزلرنینگ فیسبوک صحیفه‌میزگه باش اورینگ!
رحمت‌ولی، یشیل چای ایکیش توغریسیده‌گی فکری حقیده ایتیشیچه: «بیر دوستم بیلن صحبت‌لشه‌یاتگن ایدیک و صحبت‌لریمیز آره‌سیده دوستم مینگه ینگی بیر نرسه وارد قیلیشینی ایسته‌دیم و او هندوستان دن چای کیلتیردی. اونی ایککنیم‌ده یخشی نتیجه بیردی. مین مملکتی‌میز‌گه خذمت قیلماقچین ایدیم. یشیل چای ایککنیم یانیده باشقه پلاین‌لریم هم بار.»
رحمت‌ولی خوست ده یشیل چای ایکیلیشی و اونینگ ایجابی نتیجه‌سیده خورسند‌لیک قیلیب و باشقه دهقان‌لردن، ایکینچیلیک بولیمی‌ده خودکفا بولیشلری اوچون ینگی بیر ایش یره‌تیب و ینگی محصوللر‌نینگ وارد قیلیشلرینی ایسته‌گن.
اونینگ کوپه‌یتیریشیچه: «افغانستان گه ینگی محصوللرنی کیلتیریش‌گه پلانیم بار و یخشی نتیجه آلگن‌مین. بوتون دهقانلرنی تشویق قیلگن‌مین که مملکت گه ینگی محصوللرنی کیلتیرسینلر. برچه کیشی ایکینچیلیککه یوز کیلتیرگن. اوزیمیز مملکتی‌میز اوچون ایشلمه‌سک، مملکت رواجلنیشی قیین دیر. کیچیک یاش‌لردن بیری ایکینچیلیک بیلن شغللنگن‌مین.»
اوشبو دهقان‌نینگ اورغولشیچه، ینگی محصوللر ایکیلیشی کوکنار ایکیلیشی آلدینی آلیب، یاشلر گه ایش فرصت‌لرینی یره‌ته آله‌دی. «ینگی محصوللرنی مملکت‌‌گه کیلتیرگنی‌میز پیتده کوکنار ایکیلیشی و شونینگدیک ناقانونی ایشلر آلدی آلینه‌دی؛ چونکه اهالی ایش‌سیزلیک اوچون اوغیرلاوچیلیک و ناقانونی ایشلرگه قول اوره‌دی. دولتی مسئوللر‌دن دولتی ییرلرگه ینگی نرسه‌لرنی ایکیشلرینی ایسته‌یمیز که ایش‌سیز کیشی‌لر ایش بیلن شغللنسین.»
حاضرگچه اوندن هیچ قنده‌ی حمایت بولمه‌گن رحمت‌ولی، مسئوللر و یاردم بیرووچی نهادلردن نیازی بولگن جهازلر تامین‌لنیشی توغریسیده او بیلن همکارلیک بولیشی‌نی ایسته‌گن. «مسئوللر و یاردم بیرووچی نهادلر تامانیدن هیچ قنده‌ی همکارلیک بولمه‌گن؛ بعضا رئیس و مسئوللر کیلیب و محصوللریمیز نی کوره‌دیلر؛ بیراق یاردم بیرمه‌گنلر. چای ماشینی کوپ مهم؛ او بولمه‌گنی صورت‌ده چای گه قیین‌چیلیک یره‌ته‌دی. ماشین ساتیب آلینیشی‌نی ایسته‌یمن که محصولی‌میزدن یخشی نتیجه آلالسه‌ک.»
عین حالده، ایکینچیلیک بوییچه ایش بیلرمان‌لر، توپراق توری تیکشیریلیشی، سوو منبع‌لری، محصول توری، ییترلی جهازلرگه ایگه بولیش، آفتلرنی مدیریت قیلیش و ایش کوچی‌نی محصول ایکیلیشی‌دن آلدین اونملی دیب و ایتیشیچه، محصول ایکیلیشی‌دن یخشی‌راق نتیجه آلیش اوچون بیلرمان‌لر بیلن مصلحت قیلیش فایده‌لی بوله‌دی.
بیزلرنینگ «ایکس» ترماغی ده هم تعقیب قیلینگ!
ایکینچیلیک بوییچه ایش بیلرمان مصطفا، خوست ده چای ایکیلیشی‌دن خورسند‌لیک قیلیب و ایتیشیچه: «ینگی بیر محصول‌نی ایکماقچین بولگنیز صورت‌ده، رواجلنتیریش مامورلری، تجربه‌لی دهقانلر و مسئوللر بیلن مصلحت قیلسینلر. یشیل چای کوپ سوو و ایسیق هوا گه نیازی بار و خوست هم ایسیق هوا گه ایگه بولگن ولایت دیر و بو ولایت‌ده یشیل چای محیط بیلن ماس دیر. انه شوو سبب کوپ یخشی بیر ایش دیر و باشقه دهقانلر گه تجربه بوله‌دی که ایکسه‌لر و یخشی‌راق درآمد قولگه کیلتیرسه‌لر.»
بو بیلن بیرگه، خوست ایکینچیلیک، سووغاریش و چاروه‌چیلیک باشلیغی شیرمحمد ذبیح‌نینگ ایتیشیچه، اولر دهقانلرنی قوللب-قوتله‌یدیلر و اولرگه کوپراق رواجلنیش زمینه‌سی‌نی یره‌ته‌دیلر. «اولردن حمایت قیله‌میز، اوروغ، ساووق‌خانه، اوسکونه‌لر یا-ده کود نیاز بولسه، همکارلیک و حتا ایکینچیلیک و چاروه‌چیلیک‌نینگ همکارلیک صندیغی آرقه‌لی اولردن حمایت قیلیش‌گه حرکت قیله‌میز.»
افغانستان جمعیتی‌دم کوپینچه‌سی ایکینچیلیک بولیمی‌ده ایش بیلن شغللنگنی بیلن؛ بیراق ایکینچیلیک اوچون رواجلنگن اوسکونه‌لر یوقلیگی و حکومت بیلن مسئول نهادلر تامانیدن حمایت یوقلیگی، دهقانلرنی قیین‌چیلیک بیلن روپه‌ره قیلگن.
