بوگون (۸-قوس/ ۲۸-نوامبر، پنجشنبه)، چین و بیرلشگن ملتلر تشکیلاتی باله‌لردن حمایت قیلووچی صندیغی‌نینگ افغانستان بولیمی (یونیسف)، کابل ده خبری بیر ییغیلیش‌ده، هوا اوزگریش‌لریدن تاثیرلنگن عایله‌لر و باله‌لر‌نینگ عاجل نیازلرینی قوللب-قوتلش ساحه‌سیده، ۱.۵ میلیون دالرلیک همکارلیک شرطنامهسینی امضا قیلگنلر.
مذکور خبری ییغیلیش‌ده افغانستان ده یونیسف نماینده‌سی تاج‌الدین ایو وال‌‌نینگ ایتیشیچه، چین بیرینچی مرته یونیسف گه اوشبو مالی یاردم‌نی بیرگن. جناب ایو وال گه کوره، چین نینگ ۱.۵ میلیون دالرلیک یاردمی، یونیسف گه ۲۸ مینگ ۵۰۰دن آرتیق عایله گه یاردم بیریش امکانیتی‌نی بیره‌دی.
بیزلرنینگ «ایکس» ترماغی ده هم تعقیب قیلینگ!
افغانستان ده یونیسف نماینده‌سی‌نینگ کوپه‌یتیریشیچه، اوشبو یاردم‌لر سوو‌نی تصفیه قیلووچی تابلیت‌لر و ساغلیق‌نی سقلش پاکت‌لریدن عبارت دیر. «افغانستان هو اوزگریش‌لری برابریده زیان کوره‌دیگن مملکت‌لردن بیری دیر. اوزون مدت‌لی قوروق‌چیلیک‌لر سیزیلرلی درجه‌ده پاک سووگه قول تاپیش‌نی کمه‌یتیرگن و میلیون‌لب کیشی‌نینگ ایچیم‌لیک سوو‌دن محروم قیلگن.»
شونده‌ی بیرحالده، کابل ده چین ایلچی‌خانه‌سی‌نینگ مصلحتچی‌سی ما چنگوانگ گه کوره، مملکتی بو یاردم‌نی اطراف-محیط پاکلیگی، شخصی ساغلیق اوسکونه‌لری و ایچیم‌لیک سوو تامین‌لنیشی مقصد، افغانستان اینگ کوپ زیان کوره‌دیگن جمعیتی‌گه بیرگن.
بیزلرنینگ فیسبوک صحیفه‌میزگه باش اورینگ!
شونینگدیک افغانستان ده بیرلشگن ملتلر تشکیلاتی‌نینگ باله‌لردن حمایت قیلووچی صندیغی نماینده‌سی، هوا اوزگریش‌لریدن افغانستان نینگ زیان کوریشی خصوصیده خواطر بیلدیریب و اورغولشیچه، دواملی قوروق‌چیلیک‌لر، میلیون‌لب کیشی‌نینگ ایچیم‌لیک سوو‌دن محروم قیلگن.
